പയ്യന്നൂരിൽ പോലീസിനെതിരെ ബോംബെറിഞ്ഞ കേസ്: സി പി എം സ്ഥാനാർത്ഥി ഉൾപ്പെടെ രണ്ട് പ്രതികൾ കുറ്റക്കാരെന്ന് കോടതി 

പയ്യന്നൂർ: (KVARTHA) പയ്യന്നൂരിൽ പോലീസിന് നേരെ ബോംബെറിഞ്ഞ കേസിൽ സി പി എം പ്രവർത്തകരായ പ്രതികൾ കുറ്റക്കാരാണെന്ന് കോടതി വിധിച്ചു. സി പി എം പ്രവർത്തകരായ ടി സി വി നന്ദകുമാർ, വി കെ നിഷാദ് എന്നിവരെയാണ് തളിപ്പറമ്പ് അഡീഷണൽ സെഷൻസ് കോടതി കുറ്റക്കാരാണെന്ന് കണ്ടെത്തിയത്. 

പ്രതികൾക്കെതിരെ വധശ്രമക്കുറ്റവും (ഐ പി സി 307), സ്ഫോടക വസ്തു നിരോധന നിയമവും (നിയമത്തിലെ മൂന്ന്, നാല് വകുപ്പുകൾ) തെളിഞ്ഞതായി കോടതി വ്യക്തമാക്കി.

കുറ്റക്കാരനാണെന്ന് കോടതി കണ്ടെത്തിയ വി കെ നിഷാദ് പയ്യന്നൂർ നഗരസഭയിൽ നാൽപ്പത്തിയാറാം വാർഡിലെ എൽ ഡി എഫ് സ്ഥാനാർത്ഥി കൂടിയാണ്. ഇദ്ദേഹം ഡി വൈ എഫ് ഐ ബ്ലോക്ക് പ്രസിഡന്റാണ്. 

ഇയാളെക്കൂടാതെ മറ്റൊരു ഡി വൈ എഫ് ഐ നേതാവായ നന്ദകുമാറും കുറ്റക്കാരനാണെന്നാണ് തളിപ്പറമ്പ് അഡീഷണൽ സെഷൻസ് കോടതി ജഡ്ജി കെ എൻ പ്രശാന്തിന്റെ ഉത്തരവ്. പ്രതികളുടെ ശിക്ഷാവിധി ചൊവ്വാഴ്ച പ്രഖ്യാപിക്കും.

പോലീസിനെ ബോംബെറിഞ്ഞ് കൊല്ലാൻ ശ്രമിച്ച കേസിൽ കുറ്റക്കാരനെന്ന് കോടതി കണ്ടെത്തിയവരിൽ നഗരസഭാ എൽ ഡി എഫ് സ്ഥാനാർത്ഥിയും ഉൾപ്പെട്ടത് പയ്യന്നൂരിലെ പാർട്ടി നേതൃത്വത്തെ വെട്ടിലാക്കിയിട്ടുണ്ട്.

2012 ഓഗസ്റ്റ് ഒന്നിനാണ് കേസിന് ആസ്പദമായ സംഭവം നടന്നത്. അരിയിൽ ഷുക്കൂർ വധക്കേസിൽ സി പി എം നേതാവ് പി ജയരാജൻ അറസ്റ്റിലായതിനെ തുടർന്നുണ്ടായ സംഘർഷത്തിനിടെ പയ്യന്നൂർ ടൗണിൽ വെച്ച് നിഷാദ് അടക്കമുള്ള പ്രതികൾ പോലീസിന് നേർക്ക് ബോംബ് എറിയുകയായിരുന്നു.

പയ്യന്നൂർ ബോംബേറ് കേസിൽ സി പി എം സ്ഥാനാർത്ഥി കുറ്റക്കാരനെന്ന് കോടതി വിധി. നിങ്ങളുടെ അഭിപ്രായം കമൻ്റ് ചെയ്യുക. 

Article Summary: CPM candidate and another activist convicted in Payyanur police bombing case, sentencing tomorrow.

#Payyanur #BombingCase #CPMCandidate #CourtVerdict #KeralaPolitics #LDF