പയ്യന്നൂരിൽ ചതുഷ്കോണ മത്സരത്തിന് കളമൊരുങ്ങുന്നു; സിപിഎം വിമതനെ പിന്തുണയ്ക്കേണ്ടെന്ന് കോൺഗ്രസ്

കണ്ണൂർ: (KVARTHA) പയ്യന്നൂരിൽ സിറ്റിംഗ് എം.എൽ.എ. ടി.ഐ. മധുസൂദനനെ തോൽപ്പിക്കാൻ കോൺഗ്രസ് തന്ത്രം മെനയുന്നു. സി.പി.എം. വിമത സ്ഥാനാർത്ഥിയായി സി. വൈശാഖ് മത്സരിക്കാൻ സാധ്യത ശക്തമായിരിക്കെ കരുത്തനായ സ്ഥാനാർത്ഥിയെ കോൺഗ്രസ് നിർത്തിയേക്കും. ഇതോടെ ചതുഷ്കോണ മത്സരത്തിന് കളമൊരുങ്ങും. സി.പി.എം. വോട്ട് വിമത സ്ഥാനാർത്ഥിക്ക് വീഴുകയാണെങ്കിൽ അതിന്റെ ഗുണം കോൺഗ്രസ് സ്ഥാനാർത്ഥിക്ക് ലഭിക്കുമെന്നാണ് കണക്കുകൂട്ടൽ.

പാർട്ടിക്ക് സ്ഥിരം വോട്ടുബാങ്കുള്ള പയ്യന്നൂരിൽ സ്വന്തം സ്ഥാനാർത്ഥി വേണമെന്ന് പ്രാദേശിക നേതൃത്വവും ആവശ്യപ്പെടുന്നുണ്ട്. ഇതോടെ സ്വതന്ത്ര സ്ഥാനാർത്ഥിയായി മത്സരിക്കുന്ന പയ്യന്നൂർ നഗരസഭാംഗം സി. വൈശാഖിനെ യു.ഡി.എഫ്. പിന്തുണയ്ക്കാൻ സാധ്യത വളരെ കുറവാണ്. 

പാർട്ടിയിൽനിന്നും പുറത്താക്കിയ സി.പി.എം. മുൻ കണ്ണൂർ ജില്ലാ കമ്മിറ്റിയംഗം വി. കുഞ്ഞികൃഷ്ണന്റെ നേതൃത്വത്തിലാണ് വൈശാഖിനെ പയ്യന്നൂർ മണ്ഡലത്തിൽ സ്വതന്ത്രനായി മത്സരിപ്പിക്കാൻ നീക്കം നടത്തുന്നത്. സി.പി.എം. കോട്ടയിൽ തദ്ദേശ തിരഞ്ഞെടുപ്പിൽ വിമതനായി മത്സരിച്ച് ജയിച്ച വൈശാഖിന് ലഭിച്ച ജനപ്രീതി മുതലെടുക്കാനാണ് നീക്കം.

രക്തസാക്ഷി ഫണ്ട് വിവാദത്തിൽ വി. കുഞ്ഞികൃഷ്ണനെതിരെ പാർട്ടി അച്ചടക്കനടപടിയെടുത്തതിന് പിന്നാലെ പയ്യന്നൂർ സി.പി.എമ്മിൽ പൊട്ടിത്തെറിയുണ്ടായിരുന്നു. പുറത്താക്കൽ നടപടിയെ എതിർത്ത് പാർട്ടി അംഗങ്ങൾ രംഗത്തെത്തിയിരുന്നു. വി. കുഞ്ഞികൃഷ്ണന് അനുകൂലമായി പ്രകടനം നടത്തിയ പ്രസന്നന്റെ ബൈക്കും കത്തിച്ചിരുന്നു.

പയ്യന്നൂരിൽ സിറ്റിംഗ് എം.എ.എൽ. ടി.ഐ. മധുസൂദനൻ തന്നെയായിരിക്കും ഇടതുസ്ഥാനാർത്ഥിയെന്നാണ് വിലയിരുത്തൽ. കഴിഞ്ഞ തിരഞ്ഞെടുപ്പിൽ റെക്കോഡ് ഭൂരിപക്ഷത്തിലാണ് ടി.ഐ. മധുസൂദനൻ ജയിച്ചത്. പയ്യന്നൂർ നഗരസഭ, ചെറുപുഴ, എരമം-കുറ്റൂർ, കാങ്കോൽ-ആലപ്പടമ്പ്, കരിവെള്ളൂർ-പെരളം, പെരിങ്ങോം-വയക്കര, രാമന്തളി എന്നിവ ഉൾക്കൊള്ളുന്നതാണ് പയ്യന്നൂർ മണ്ഡലം.

കഴിഞ്ഞ നിയമസഭാ തിരഞ്ഞെടുപ്പിൽ 93,695 വോട്ടാണ് ടി.ഐ. മധുസൂദനൻ നേടിയത്. 49,780 വോട്ടാണ് ലീഡ്. കോൺഗ്രസിന്റെ എം. പ്രദീപ്‌കുമാറിന് 43,915 വോട്ട് ലഭിച്ചു. ബി.ജെ.പി.യുടെ കെ.കെ. ശ്രീധരന് 11,308 വോട്ടും കിട്ടി. എന്നാൽ ഇക്കുറി ചതുഷ്കോണ മത്സരത്തിൽ ലീഡ് നില മാറിമറിയുമെന്നാണ് കോൺഗ്രസ് പ്രതീക്ഷ.

കേരള രാഷ്ട്രീയത്തിലെയും കണ്ണൂർ ജില്ലയിലെയും തിരഞ്ഞെടുപ്പ് വിശേഷങ്ങൾ തത്സമയം അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. പയ്യന്നൂരിലെ ഈ രാഷ്ട്രീയ മാറ്റങ്ങളെക്കുറിച്ചുള്ള വാർത്ത സുഹൃത്തുക്കൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിൽ കമന്റായി രേഖപ്പെടുത്താൻ മറക്കരുത്.

Article Summary: Payyannur assembly constituency is likely to witness a four-cornered contest as a CPM rebel prepares to run independently, with Congress deciding to field its own candidate.

#PayyannurElection2026 #CPMKerala #Congress #LDF #UDF #KeralaPolitics #V Kunjikrishnan #TI Madhusoodanan #PoliticalUpdate