കെ കെ ശൈലജയ്ക്ക് 'കട്ട സപ്പോർട്ടുമായി' പി ജയരാജൻ; 'എനിക്കും സൗകര്യമുണ്ടായിരുന്നെങ്കിൽ പോകുമായിരുന്നു'

കണ്ണൂർ: (KVARTHA) ബി.ജെ.പി സംസ്ഥാന ഉപാധ്യക്ഷൻ സി. സദാനന്ദന്റെ കാൽ വെട്ടിയ കേസിലെ പ്രതികൾക്ക് സി.പി.എം ഓഫീസിൽ നൽകിയ യാത്രയയപ്പിൽ കെ.കെ. ശൈലജ പങ്കെടുത്തത് വിവാദമായ സാഹചര്യത്തിൽ, സി.പി.എം സംസ്ഥാന കമ്മിറ്റിയംഗം പി. ജയരാജൻ ടീച്ചർക്ക് പിന്തുണയുമായി രംഗത്ത്. 

സദാനന്ദൻ ഒരു ക്രിമിനൽ കേസിലെ പ്രതിയാണെന്നും, അതിനു പിന്നിലെ യാഥാർത്ഥ്യങ്ങൾ മാധ്യമങ്ങൾ മറച്ചുവെക്കുകയാണെന്നും പി. ജയരാജൻ ആരോപിച്ചു. സദാനന്ദൻ, ബ്രാഞ്ച് സെക്രട്ടറി ജനാർദ്ദനനെ ആക്രമിച്ച കേസിലെ പ്രതിയായിരുന്നു. ജനാർദ്ദനന്റെ മക്കളെ ആർ.എസ്.എസ് ശാഖയിലേക്ക് കൊണ്ടുപോയത് ചോദ്യം ചെയ്തതിനാണ് അദ്ദേഹത്തിന്റെ കാൽ അടിച്ചൊടിച്ചതെന്നും ജയരാജൻ പറഞ്ഞു. 

സദാനന്ദനെതിരെ ആക്രമണം നടന്നിട്ടുണ്ട് എന്നത് ശരിയാണ്. ആ കേസിൽ ശിക്ഷിക്കപ്പെട്ടവരിൽ അധ്യാപകരും പൊതുപ്രവർത്തകരുമുണ്ട്. തനിക്ക് സൗകര്യമുണ്ടായിരുന്നെങ്കിൽ താനും ആ സ്വീകരണത്തിൽ പങ്കെടുത്തേനെ എന്നും ജയരാജൻ കൂട്ടിച്ചേർത്തു.

രാഷ്ട്രീയ കൊലപാതകക്കേസുകളിലെ പ്രതികളോട് രാഷ്ട്രീയ പാർട്ടികൾ സ്വീകരിക്കുന്ന നിലപാടുകളെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: P. Jayarajan supports KK Shailaja on her attending farewell.

#PJayarajan, #KKSailaja, #CPM, #SadanandanMaster, #KeralaPolitics, #Controversy