നിലമ്പൂരിൽ അൻവർ എഫക്ട് ഉണ്ടാകും; സർക്കാരിനെതിരെ രൂക്ഷവിമർശനവുമായി സണ്ണി ജോസഫ്

കണ്ണൂർ: (KVARTHA) നിലമ്പൂർ ഉപതെരഞ്ഞെടുപ്പിനെ നേരിടാൻ യു.ഡി.എഫ് ശക്തമാണെന്ന് കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ. പറഞ്ഞു. ഉപതെരഞ്ഞെടുപ്പ് പ്രഖ്യാപിച്ചതിനെ തുടർന്ന് കണ്ണൂരിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

നിലമ്പൂരിൽ അൻവർ എഫക്ട് ഉണ്ടാകുമെന്ന് തീർച്ചയാണ്. എൽ.ഡി.എഫ് സർക്കാരിനെതിരായ ജനവിധി ഉണ്ടാകും. യു.ഡി.എഫ് സ്ഥാനാർത്ഥി പ്രഖ്യാപനം ഉടൻ നടത്തും. ചർച്ചകൾ തുടങ്ങിയിട്ടുണ്ട്. ഒന്നിലേറെ നല്ല സ്ഥാനാർത്ഥികൾ അവിടെയുണ്ട്. അൻവർ എഫക്ട് നിലമ്പൂരിൽ ഉണ്ടാകും.

അൻവർ ഉന്നയിച്ച ആരോപണങ്ങൾക്കൊന്നും മുഖ്യമന്ത്രി മറുപടി നൽകിയില്ല. വ്യക്തിപരമായി ആക്ഷേപിച്ചിട്ട് കാര്യമില്ല. സർക്കാരിന്റെ ജനവിരുദ്ധ, കർഷക വിരുദ്ധ ഭരണത്തിനെതിരായ വിധിയെഴുത്താകും നിലമ്പൂരിലേത്. എൽ.ഡി.എഫിന് നിലമ്പൂരിൽ പരിഗണിക്കാൻ ഒറ്റ പേരുണ്ടോയെന്നും സണ്ണി ജോസഫ് ചോദിച്ചു.

പാലക്കാട് നിന്നും തൃക്കാക്കരയിൽ നിന്നും ഏറ്റ തിരിച്ചടികളിൽ എൽ.ഡി.എഫ് പാഠം പഠിക്കണം. ദേശീയപാതയുടെ തകർച്ചയും നിർമ്മാണത്തിലെ അഴിമതിയും ചർച്ചയാകും. അൻവർ യു.ഡി.എഫിന് സ്വീകാര്യനാണ്. യു.ഡി.എഫ് ആരെ സ്ഥാനാർത്ഥിയാക്കിയാലും പിന്തുണയ്ക്കുമെന്ന് അൻവർ പറഞ്ഞിട്ടുണ്ടെന്നും സണ്ണി ജോസഫ് ചൂണ്ടിക്കാട്ടി.

നിലമ്പൂർ ഉപതെരഞ്ഞെടുപ്പിൽ ആര് വിജയിക്കും? നിങ്ങളുടെ അഭിപ്രായം പങ്കുവെക്കുക!
 

Summary: KPCC President Sunny Joseph stated that the UDF is strong in the Nilambur by-election and expects a public verdict against the LDF government, citing the ‘Anwar effect’ and government's alleged anti-people policies.

#NilamburByElection #KeralaPolitics #UDF #LDF #SunnyJoseph #KeralaElections