കണ്ണൂരിൽ എൻസിപിയിൽ വൻ പിളർപ്പ്; നേതാക്കളും പ്രവർത്തകരുമടക്കം 15 പേർ കോൺഗ്രസിൽ ചേർന്നു

കണ്ണൂർ: (KVARTHA) ജില്ലയിൽ നാഷണലിസ്റ്റ് കോൺഗ്രസ് പാർട്ടിയിൽ (എൻ.സി.പി) വൻ പിളർപ്പ്. പാർട്ടി നേതൃത്വത്തിന്റെ അവഗണനയിൽ പ്രതിഷേധിച്ച് നേതാക്കളും പ്രവർത്തകരും ഉൾപ്പെടെ 15 പേർ എൻ.സി.പി വിട്ട് കോൺഗ്രസിൽ ചേർന്നു. കണ്ണൂർ ഡി.സി.സി ഓഫീസിൽ നടന്ന ചടങ്ങിൽ കോൺഗ്രസ് വർക്കിംഗ് കമ്മിറ്റി അംഗം കെ. സുധാകരൻ ഇവർക്ക് അംഗത്വം നൽകി സ്വീകരിച്ചു.

സംസ്ഥാന, ജില്ലാ തലങ്ങളിൽ പ്രവർത്തിക്കുന്ന പ്രമുഖ നേതാക്കളാണ് പാർട്ടി വിട്ടത്. വരും ദിവസങ്ങളിൽ കൂടുതൽ പേർ കോൺഗ്രസിലേക്ക് എത്തുമെന്ന് കെ. സുധാകരൻ പറഞ്ഞു. എൻ.സി.പി നേതൃത്വത്തിന്റെ നിരന്തരമായ അവഗണനയിൽ പ്രതിഷേധിച്ചാണ് തങ്ങൾ പാർട്ടി വിടുന്നതെന്ന് രാജി വെച്ചവർ വ്യക്തമാക്കി.

കോൺഗ്രസിൽ ചേർന്ന പ്രമുഖ നേതാക്കൾ:

● കെ. സുരേശൻ: എൻ.സി.പി മുൻ കണ്ണൂർ ജില്ലാ പ്രസിഡന്റ്, മുൻ സംസ്ഥാന സെക്രട്ടറി.

● കുഞ്ഞിക്കണ്ണൻ: എൻ.സി.പി സംസ്ഥാന നിർവ്വാഹക സമിതി അംഗം, മുൻ സംസ്ഥാന ജനറൽ സെക്രട്ടറി.

● രജീഷ് കെ.വി: എൻ.സി.പി ജില്ലാ ജനറൽ സെക്രട്ടറി, സംസ്ഥാന നിർവ്വാഹക സമിതി അംഗം.

● പി. ശിവദാസൻ: നാഷണലിസ്റ്റ് മത്സ്യ തൊഴിലാളി കോൺഗ്രസ് സംസ്ഥാന പ്രസിഡന്റ്.

● സി. പ്രസന്ന: നാഷണലിസ്റ്റ് മഹിളാ കോൺഗ്രസ് ജില്ലാ പ്രസിഡന്റ്, മുൻ പഞ്ചായത്ത് മെമ്പർ.

● മധു വി.എം: എൻ.സി.പി ഇരിക്കൂർ ബ്ലോക്ക് കമ്മിറ്റി പ്രസിഡന്റ്.

● ഉണ്ണികൃഷ്ണൻ ഒ.വി: തളിപ്പറമ്പ് ബ്ലോക്ക് (എൻ.സി.പി-എസ്) വൈസ് പ്രസിഡന്റ്.

● വിനോദ് പി.സി: നാഷണലിസ്റ്റ് കൺസ്യൂമർ എഫയേർസ് ജില്ലാ എക്‌സിക്യുട്ടീവ് മെമ്പർ.

● ചന്ദ്രൻ ചേലോറ: എൻ.സി.പി കണ്ണൂർ ബ്ലോക്ക് വൈസ് പ്രസിഡന്റ്.

● വെളുത്തമ്പു കെ.വി: എൻ.സി.പി തലശ്ശേരി മണ്ഡലം സെക്രട്ടറി.

● പി.കെ. ശശി: കർഷക കോൺഗ്രസ് തലശ്ശേരി ബ്ലോക്ക് പ്രസിഡന്റ്.

● കെ.വി. സജീവൻ: നാഷണലിസ്റ്റ് മത്സ്യ തൊഴിലാളി കോൺഗ്രസ് കണ്ണൂർ ജില്ലാ പ്രസിഡന്റ്, എൻ.സി.പി ധർമ്മടം ബ്ലോക്ക് സെക്രട്ടറി.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യു

Article Summary: A major split has occurred in the NCP Kannur unit as 15 prominent leaders, including former District President K. Sureshan, joined the Congress party alleging neglect from the leadership. K. Sudhakaran MP welcomed them.

#NCP #Congress #KannurPolitics #KSudhakaran #KeralaPolitics #LDF #UDF