അർജുൻ ആയങ്കിയെ തൂഫാനിലേതു പോലെ തൂക്കണം; പൊലീസിനെയും ആഭ്യന്തരമന്ത്രിയെയും വിമർശിച്ച് എം വി ജയരാജൻ

കണ്ണൂർ: (KVARTHA) അർജുൻ ആയങ്കിയെ 'തൂഫാനി'ലേതു പോലെ തൂക്കണമെന്ന് സിപിഎം സംസ്ഥാന സെക്രട്ടറിയേറ്റ് അംഗം എം വി ജയരാജൻ പറഞ്ഞു. ശനിയാഴ്ച മാധ്യമങ്ങളോട് പ്രതികരിക്കുകയായിരുന്നു അദ്ദേഹം. തൂക്കിക്കൊല്ലുകയല്ല പിടിക്കുകയാണ് വേണ്ടതെന്നും അദ്ദേഹം വ്യക്തമാക്കി. 

ആയങ്കിയെ പിടിക്കാനുള്ള കരുത്ത് ആഭ്യന്തരമന്ത്രി കാണിക്കണം. എവിടെയാണോ അവിടെ പോയി പിടിക്കണമെന്നും അദ്ദേഹം ആവശ്യപ്പെട്ടു. പ്രതിയായ ഒരാൾ പൊലീസിനെ നിരന്തരം വെല്ലുവിളിച്ച് നടക്കുന്നത് ഏറെ ആശ്ചര്യകരമാണെന്ന് അദ്ദേഹം ചൂണ്ടിക്കാട്ടി.

ക്വട്ടേഷൻ സംഘത്തിൻ്റെ പിന്തുണ ആവശ്യമില്ല

ക്വട്ടേഷൻ സംഘത്തിൻ്റെ പിന്തുണ സമൂഹമാധ്യമങ്ങൾ വഴിയുള്ള പ്രചാരണത്തിന് പാർട്ടിക്ക് ആവശ്യമില്ലെന്ന് അദ്ദേഹം വ്യക്തമാക്കി. ക്വട്ടേഷൻ സംഘത്തെ ക്വട്ടേഷൻ സംഘമായി തന്നെ കാണണം. വിഷയത്തിൽ മനു തോമസിൻ്റെ ആരോപണങ്ങൾ വസ്തുതയില്ലാത്തതാണെന്നും അദ്ദേഹം ചൂണ്ടിക്കാട്ടി.

വളർന്നുവന്ന പാർട്ടി എന്ന് ആയങ്കി പറഞ്ഞത് ക്വട്ടേഷൻ പാർട്ടിയെക്കുറിച്ചാകുമെന്നും അത് സിപിഎം ആകാനുള്ള സാധ്യത ഇല്ലെന്നും എം വി ജയരാജൻ പറഞ്ഞു. അയാളെ തള്ളിപ്പറഞ്ഞ പാർട്ടിയെക്കുറിച്ച് അങ്ങനെ പറയാൻ ഇടയില്ലെന്നും അദ്ദേഹം കൂട്ടിച്ചേർത്തു.

എംഎൽഎക്കെതിരെ വിമർശനം

പയ്യന്നൂരിലെ എംഎൽഎ സ്വന്തം മണ്ഡലത്തിലെ കാര്യങ്ങൾ നോക്കുകയാണ് വേണ്ടതെന്ന് അദ്ദേഹം വിമർശിച്ചു. രക്ഷാപ്രവർത്തകൻ രാജേഷിൻ്റെ മരണവുമായി ബന്ധപ്പെട്ട കാര്യങ്ങൾ ചെയ്യുന്നതിൽ എംഎൽഎ വേണ്ടത്ര ഇടപെടലുകൾ നടത്തിയില്ലെന്ന ആക്ഷേപം ശക്തമാണ്. എംഎൽഎ ഉടൻ തന്നെ രാജേഷിൻ്റെ വീട് സന്ദർശിക്കാൻ തയാറാകണമെന്നും എം വി ജയരാജൻ ആവശ്യപ്പെട്ടു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. ഏറ്റവും പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: M.V. Jayarajan criticized the police and MLA over the Arjun Ayanki issue.

#MVJayarajan #CPIM #ArjunAyanki #KannurNews #KeralaPolitics #KeralaPolice #PayyanurMLA #AmmuNews