ഹൈക്കോടതി വിധി ഗവർണറുടെ കാവിവത്കരണത്തിന് തിരിച്ചടി: എം വി ഗോവിന്ദൻ

കണ്ണൂർ: (KVARTHA) ബി.ജെ.പി. ഇതര സംസ്ഥാനങ്ങളിൽ ഗവർണർമാരുടെ നേതൃത്വത്തിൽ നടക്കുന്ന 'കാവിവത്കരണ' ശ്രമങ്ങൾക്കെതിരെ കേരള ഹൈക്കോടതി വിധി കനത്ത തിരിച്ചടിയാണെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദൻ. കേരള സർവകലാശാലയിൽ നിയമിച്ച താൽക്കാലിക വൈസ് ചാൻസലറെ പിരിച്ചുവിട്ട ഹൈക്കോടതി വിധിയെക്കുറിച്ച് കണ്ണൂർ തളിപ്പറമ്പിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.

സർവകലാശാലകളെ കാവിവത്കരിക്കാനുള്ള നീക്കങ്ങൾക്കെതിരായ സമരം തുടരുമെന്നും എം.വി. ഗോവിന്ദൻ വ്യക്തമാക്കി. ഈ വിഷയത്തിൽ സർക്കാർ നിലപാടാണ് ശരിയെന്ന് കേരള വി.സിയെ പിരിച്ചുവിട്ട ഹൈക്കോടതി വിധിയിലൂടെ വ്യക്തമായതായും അദ്ദേഹം ചൂണ്ടിക്കാട്ടി. ബി.ജെ.പി. ഗവർണറിലൂടെ നടത്തുന്ന കാവിവത്കരണ ശ്രമങ്ങളെ പ്രതിപക്ഷ നേതാവ് വി.ഡി. സതീശൻ പിന്തുണയ്ക്കുന്ന നിലപാടാണ് സ്വീകരിക്കുന്നതെന്നും എം.വി. ഗോവിന്ദൻ ആരോപിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ  പങ്കുവെക്കുക.

Article Summary: MV Govindan states High Court verdict is setback for Governor's 'saffronization' moves.

#KeralaPolitics #HighCourtVerdict #MVGovindan #Saffronization #UniversityKerala #Kannur