മൂവാറ്റുപുഴ ആസ്ഥാനമാക്കി പുതിയ ജില്ല രൂപീകരിക്കണമെന്ന മാത്യു കുഴൽനാടൻ എംഎൽഎയുടെ ആവശ്യത്തിൽ പ്രതികരണവുമായി മുഖ്യമന്ത്രി വി ഡി സതീശൻ

കോട്ടയം: (KVARTHA) മൂവാറ്റുപുഴ ആസ്ഥാനമാക്കി പുതിയ ജില്ല വരുന്നത് ഗൗരവത്തോടെ പരിഗണിക്കുമെന്ന് മുഖ്യമന്ത്രി വി ഡി സതീശൻ വ്യക്തമാക്കി. മൂവാറ്റുപുഴ നഗരസഭയുടെ ഓണാഘോഷ പരിപാടിയിൽ മാത്യു കുഴൽനാടൻ എംഎൽഎ മൂവാറ്റുപുഴ ആസ്ഥാനമാക്കി ജില്ല വേണമെന്ന് ആവശ്യപ്പെട്ടിരുന്നു. ഇതിന് മറുപടിയായാണ് മുഖ്യമന്ത്രി ഇതേ വേദിയിൽ വെച്ച് ഇക്കാര്യം അറിയിച്ചത്. 

മൂവാറ്റുപുഴയിലെ ജനങ്ങൾക്ക് മുഖ്യമന്ത്രി ഒരു ഓണസമ്മാനം നൽകി പോകണമെന്നും സംസ്ഥാനത്ത് ഒരു പുതിയ ജില്ല രൂപീകൃതമാവുകയാണെങ്കിൽ അത് മൂവാറ്റുപുഴയായിരിക്കുമെന്നും മാത്യു കുഴൽനാടൻ ചൂണ്ടിക്കാണിച്ചിരുന്നു.

പലിശ സഹിതം നഷ്ടങ്ങൾ നികത്തും

മൂവാറ്റുപുഴയുടെ എല്ലാ നഷ്ടങ്ങളും പരിഹരിക്കുമെന്നായിരുന്നു മുഖ്യമന്ത്രിയുടെ മറുപടി. എല്ലാ സങ്കടങ്ങളും വിഷമങ്ങളും മാറ്റുമെന്നും ഒരു കാര്യത്തിൽ നഷ്ടം വന്നാൽ അതിൻ്റെ പലിശ സഹിതം കിട്ടണമെന്നാണ് നമ്മൾ ആഗ്രഹിക്കുകയെന്നും പലിശ സഹിതം മൂവാറ്റുപുഴയ്ക്ക് അത് തിരിച്ചുതരുമെന്നും മുഖ്യമന്ത്രി വ്യക്തമാക്കി. 

മൂവാറ്റുപുഴക്കാരെ തനിക്ക് വലിയ ഇഷ്ടമാണെന്നും തൻ്റെ ജില്ലയിൽനിന്ന് വേറിട്ടുപോകുമോ എന്ന വിഷമം ഉണ്ടെങ്കിലും ആ കാര്യം കൂടി ഗൗരവമായി പരിശോധിക്കുന്നുണ്ടെന്നും അദ്ദേഹം കൂട്ടിച്ചേർത്തു. ഇക്കാര്യം പരിശോധിക്കുന്നതിനായി സർക്കാർ ഒരു ഡിലിമിറ്റേഷൻ കമ്മിഷനെ കൊണ്ടുവരുമെന്നും അദ്ദേഹം അറിയിച്ചു.

പുതിയ ജില്ലയ്ക്കായുള്ള ആവശ്യം

വികസനകാര്യത്തിൽ മൂവാറ്റുപുഴ പിന്നാക്കം നിൽക്കുന്നുവെന്നും പ്രധാനപ്പെട്ട ഫണ്ടുകളും മറ്റും കൊച്ചി ഭാഗത്തേക്ക് പോകുന്നുവെന്ന ആക്ഷേപം മൂവാറ്റുപുഴക്കാർക്ക് നേരത്തെ തന്നെയുണ്ട്. ഇതിന് പരിഹാരമെന്നോണം കോതമംഗലം, മൂവാറ്റുപുഴ, തൊടുപുഴ ഭാഗങ്ങൾ ചേർത്ത് ഒരു ജില്ല വേണമെന്ന് നേരത്തെതന്നെ ഒരു വിഭാഗം ആവശ്യപ്പെടുന്നുണ്ട്. 

മലയോര മേഖലയായതുകൊണ്ടുതന്നെ പ്രത്യേക ശ്രദ്ധ കിട്ടുന്നില്ലെന്ന ആക്ഷേപവും ഉയർന്നിരുന്നു. ഇതിൻ്റെ പശ്ചാത്തലത്തിലാണ് ഇപ്പോൾ വീണ്ടും പുതിയൊരു ജില്ലയെന്ന ആവശ്യം ശക്തമായി ഉയർന്നിരിക്കുന്നത്. ഇത്തവണത്തെ ബജറ്റിൽ പുതിയ ജില്ലകൾ രൂപീകരിക്കുന്ന കാര്യം പരിശോധിക്കുമെന്നും ഡിലിമിറ്റേഷൻ സമിതിയെ നിയോഗിക്കുമെന്നും പ്രഖ്യാപിച്ചിരുന്നു. ഇതുകൂടി മുന്നിൽ കണ്ടാണ് മാത്യു കുഴൽനാടൻ എംഎൽഎയുടെ ആവശ്യവും മുഖ്യമന്ത്രി വി ഡി സതീശൻ്റെ പ്രതികരണവും ഉണ്ടായിരിക്കുന്നത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Kerala Chief Minister V.D. Satheesan stated that the government will seriously consider the formation of a new district with Muvattupuzha as its headquarters, following a demand by MLA Mathew Kuzhalnadan during the Muvattupuzha Municipality's Onam celebration.

#Kvartha #MuvattupuzhaDistrict #VDSatheesan #MathewKuzhalnadan #KeralaNews #MalayalamNews #OnamCelebration #KeralaPolitics #AmmuNews