ആ ശബ്ദസന്ദേശം എസ്ഐഒ വിദ്യാർത്ഥിയുടെത്: എസ്എഫ്ഐയുടെ ആരോപണങ്ങളെ പ്രതിരോധിച്ച് എംഎസ്എഫ്

കണ്ണൂർ: (KVARTHA) ക്യാമ്പസുകളിൽ മതം പറഞ്ഞ് വോട്ട് വാങ്ങുന്നുവെന്ന് ആരോപിച്ച് എസ്.എഫ്.ഐ പുറത്തുവിട്ട ശബ്ദസന്ദേശം എസ്.ഐ.ഒ വിദ്യാർത്ഥിയുടേതാണെന്ന് എം.എസ്.എഫ് സംസ്ഥാന സെക്രട്ടറി അഡ്വ. റുമൈസ റഫീഖ് പറഞ്ഞു. കണ്ണൂരിലെ ബാഫഖി തങ്ങൾ മന്ദിരത്തിൽ നടത്തിയ വാർത്താസമ്മേളനത്തിലാണ് റുമൈസ ഇക്കാര്യം വ്യക്തമാക്കിയത്.

തെരഞ്ഞെടുപ്പുകളിൽ എം.എസ്.എഫ് കൃത്യമായ മാനദണ്ഡങ്ങൾ പാലിച്ചാണ് പ്രവർത്തിക്കുന്നത്. പ്രചാരണത്തിന് സംസാരിക്കേണ്ട വിഷയങ്ങളടക്കം നൽകിയാണ് തെരഞ്ഞെടുപ്പുകളെ നേരിടുന്നത്. കഴിഞ്ഞ തവണ എസ്.എഫ്.ഐയുടെ ഏകാധിപത്യ രാഷ്ട്രീയത്തിനെതിരെയായിരുന്നു തങ്ങളുടെ പ്രധാന പ്രചാരണം. 

ക്യാമ്പസ് വിഷയങ്ങളാണ് 80 ശതമാനം തെരഞ്ഞെടുപ്പുകളിലും സംഘടനകൾ ചർച്ച ചെയ്യുന്നത്. ഇതിനു ശേഷമുള്ള രാഷ്ട്രീയ വിഷയങ്ങൾ എങ്ങനെ അവതരിപ്പിക്കണം എന്നത് സംബന്ധിച്ച് സംസ്ഥാന കമ്മിറ്റിക്ക് വ്യക്തമായ മാർഗനിർദേശങ്ങളുണ്ടെന്നും റുമൈസ കൂട്ടിച്ചേർത്തു.

എസ്.എഫ്.ഐയുടെ വ്യാജ പ്രചാരണങ്ങൾ മാധ്യമങ്ങൾക്ക് പോലും ബോധ്യമുള്ളതാണ്. വർഗീയ സംഘടനകളായ എ.ബി.വി.പി, പി.എഫ്.ഐ എന്നിവർക്ക് ചരിത്രത്തിലാദ്യമായി സർവകലാശാല കൗൺസിലറെ നൽകിയ എസ്.എഫ്.ഐ, എം.എസ്.എഫിനെ മതേതരത്വം പഠിപ്പിക്കാൻ വരേണ്ടെന്നും റുമൈസ പറഞ്ഞു. 

വാർത്താസമ്മേളനത്തിൽ ഹരിത സ്റ്റേറ്റ് വൈസ് ചെയർപേഴ്സൺ നഹ്ല സഹീദ്, കണ്ണൂർ യൂണിവേഴ്സിറ്റി സെനറ്റ് മെമ്പർ ടി.പി. ഫർഹാന, ഫാത്തിമ സക്കറിയ എന്നിവരും പങ്കെടുത്തു.

ഈ വിവാദ ശബ്ദസന്ദേശത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: MSF alleges SFI is spreading false information with a voice message from an SIO student.

#MSF #SFI #CampusPolitics #KeralaPolitics #Controversy #Kannur