അബുജ: (KVARTHA) നൈജീരിയ പ്രധാനമന്ത്രി നരേന്ദ്ര മോദിയെ രാജ്യത്തിന്റെ ഉന്നത ബഹുമതിയായ 'ദി ഗ്രാൻഡ് കമാൻഡർ ഓഫ് ദി ഓർഡർ ഓഫ് ദി നൈജർ' (GCON) നൽകി ആദരിക്കും. 1969-ൽ രാജ്ഞി എലിസബത്ത് മാത്രമാണ് ഈ ബഹുമതി നേടിയ വിദേശി. ഇതോടെ മോദിക്ക് വിദേശ രാജ്യങ്ങൾ നൽകുന്ന 17-ാമത്തെ അന്തർദേശീയ ബഹുമതിയായിരിക്കും ഇത്.

ദി ഗ്രാൻഡ് കമാൻഡർ ഓഫ് ദി ഓർഡർ ഓഫ് ദി നൈജർ എന്താണ്?

നൈജീരിയയിലെ രണ്ടാമത്തെ ഉന്നത ബഹുമതിയാണിത്. 1963ലാണ് ഇത് സ്ഥാപിതമായത്. രാജ്യത്തിന്റെ ഏറ്റവും ഉന്നത ബഹുമതിയായ ദി ഓർഡർ ഓഫ് ദി ഫെഡറൽ റിപ്പബ്ലിക്കിന് തൊട്ടു താഴെയാണ് ഇതിന്റെ സ്ഥാനം. രാഷ്ട്രപതിയും ഉപരാഷ്ട്രപതിയും ഈ ബഹുമതിക്ക് അർഹരാണ്. സുപ്രീം കോടതിയിലെ പ്രധാന ന്യായാധിപനും സെനറ്റിന്റെ ചെയർമാനും ഓഫീഷ്യൽ ആയി ഈ ബഹുമതിയുടെ കമാൻഡറാണ്.

ഊഷ്മള സ്വീകരണം 

നൈജീരിയയിലെത്തിയ പ്രധാനമന്ത്രി മോദിക്ക് ആചാരപരമായ സ്വീകരണമാണ് ലഭിച്ചത്. ഈ സന്ദർശനം ഇരു രാജ്യങ്ങളും തമ്മിലുള്ള ഉഭയകക്ഷി സൗഹൃദം കൂടുതൽ ആഴത്തിലാക്കുമെന്ന് അദ്ദേഹം പ്രത്യാശ പ്രകടിപ്പിച്ചു. നൈജീരിയൻ പ്രസിഡൻ്റ് ബോല അഹമ്മദ് ടിനുബുവിൻ്റെ ക്ഷണപ്രകാരമാണ് പ്രധാനമന്ത്രി നൈജീരിയയിലെത്തിയത്.

നൈജീരിയ സന്ദർശനത്തിന് ശേഷം നവംബർ 18 മുതൽ 19 വരെ നടക്കുന്ന ജി 20 ഉച്ചകോടിയിൽ പങ്കെടുക്കാൻ പ്രധാനമന്ത്രി മോദി ബ്രസീലിലേക്ക് പോകും. 19-ാമത് ജി20 ഉച്ചകോടിക്ക് ശേഷം പ്രസിഡൻറ് മുഹമ്മദ് ഇർഫാൻ അലിയുടെ ക്ഷണപ്രകാരം പ്രധാനമന്ത്രി മോദി ഗയാന സന്ദർശിക്കും. 50 വർഷത്തിനിടെ ആദ്യമായാണ് ഒരു ഇന്ത്യൻ പ്രധാനമന്ത്രി ഗയാന സന്ദർശിക്കുന്നത്.

#NarendraModi #Nigeria #GCON #India #IndiaNigeriaRelations #GlobalRecognition