പൂനെ: (KVARTHA) ബിജെപി എംപി മേധാ കുൽക്കർണി പള്ളിയിൽ അതിക്രമം നടത്തിയെന്ന ആരോപണം ശക്തമാകുന്നു. ഏപ്രിൽ 13-ന് പൂനെയിലെ കസ്ബ പേത്തിലുള്ള ദർഗ ഹസ്രത്ത് ഖ്വാജാ ഷെയ്ഖ് സലാഹുദ്ദീൻ പള്ളിയിൽ മേധാ കുൽക്കർണി അതിക്രമം നടത്തിയെന്നാണ് ആക്ഷേപം ഉയർന്നിരിക്കുന്നത്. ഈ സംഭവത്തിൽ നാഷണൽ കോൺഫറൻസ് ഫോർ മൈനോറിറ്റീസ് മേധാ കുൽക്കർണ്ണിയുടെ അറസ്റ്റ് അടിയന്തരമായി ആവശ്യപ്പെട്ടിട്ടുണ്ട്.

നാഷണൽ കോൺഫറൻസ് ഫോർ മൈനോറിറ്റീസ് പ്രസിഡന്റ് രാഹുൽ ദാംബ്ലെ ഇത് സംബന്ധിച്ച സിസിടിവി ദൃശ്യങ്ങൾ പുറത്തുവിട്ടു. ബിജെപി നേതാവും രാജ്യസഭാ എംപിയുമായ മേധാ കുൽക്കർണി പൂനെയിലെ ഛോട്ടാ ഷെയ്ഖ് സലാഹുദ്ദീൻ ദർഗയുടെ പള്ളിയിൽ അതിക്രമം നടത്തിയതായി അദ്ദേഹം ആരോപിച്ചു. മേധാ കുൽക്കർണി പള്ളിയിൽ പ്രവേശിക്കാൻ ശ്രമിച്ചെന്നും ഇത് നഗരത്തിലെ സമാധാന അന്തരീക്ഷം തകർത്തെന്നും മതപരമായ വികാരങ്ങൾ വ്രണപ്പെടുത്തിയെന്നും ദാംബ്ലെ മാധ്യമങ്ങളോട് പറഞ്ഞു. അതിനാൽ കുൽക്കർണിക്കെതിരെ കേസെടുത്ത് അറസ്റ്റ് ചെയ്യണമെന്നും അദ്ദേഹം ശക്തമായി ആവശ്യപ്പെട്ടു.

पुणे के शेख सल्लाउद्दीन दरगाह में हनुमान जयंती के दिन बीजेपी सांसद मेधा कुलकर्णी द्वारा मस्जिद में घुस कर अजान बंद करनेकी कोशिश निंदनीय और चौंकाने वाली है।
पिछले कुछ समय से पुणे में दंगा भड़काने की कोशिश मेधा कुलकर्णी लगातार करती आ रही हैं।
धार्मिक स्थलों पर इस तरह का… pic.twitter.com/HDBmmR9Pe3

— Adv Amir Shaikh (@amirshaikh_INC) April 17, 2025

ഛോട്ടാ ഷെയ്ഖ് സലാഹുദ്ദീൻ ദർഗ ട്രസ്റ്റും കുൽക്കർണിക്കെതിരെ കേസെടുത്ത് അറസ്റ്റ് ചെയ്യണമെന്ന് ആവശ്യപ്പെട്ടു. കുൽക്കർണി ബാങ്ക് വിളിക്കുന്നത് തടയാൻ ശ്രമിച്ചുവെന്ന ഗുരുതരമായ ആരോപണവും നിലനിൽക്കുന്നുണ്ട്. ഹനുമാൻ ജയന്തി ദിനത്തിൽ പുണ്യേശ്വർ ക്ഷേത്രത്തിലെ പരിപാടിയിൽ പങ്കെടുക്കാൻ എത്തിയ കുൽക്കർണി സമീപത്തുള്ള ഛോട്ടാ ഷെയ്ഖ് സലാഹുദ്ദീൻ ദർഗ മസ്ജിദിൽ പ്രാർത്ഥനയ്ക്കായി നൽകിയ ബാങ്ക് തടസ്സപ്പെടുത്താൻ ശ്രമിച്ചുവെന്നാണ് പ്രധാന ആരോപണം. ഇതുമായി ബന്ധപ്പെട്ട ഒരു വീഡിയോ ദൃശ്യവും പുറത്തുവന്നിട്ടുണ്ട്. ഈ സമയം മേധാ കുൽക്കർണി നാട്ടുകാരായ മുസ്ലീംങ്ങളെ തള്ളിമാറ്റാൻ ശ്രമിച്ചെന്നും പറയുന്നു. എന്നാൽ, പോലീസിന്റെ സമയോചിതമായ ഇടപെടലിനെത്തുടർന്ന് സ്ഥിതിഗതികൾ കൂടുതൽ വഷളാകാതെ നിയന്ത്രണവിധേയമാക്കി.
 

മേധാ കുൽക്കർണിയുടെ പ്രതികരണം
 

അതേസമയം, മേധാ കുൽക്കർണി ഈ വിഷയത്തിൽ പ്രതികരിച്ചത് ഇങ്ങനെ: ഹനുമാൻ ജയന്തി ദിനത്തിൽ കുംഭാർവാഡയ്ക്ക് അടുത്തുള്ള പുണ്യേശ്വർ ക്ഷേത്രത്തിൽ ഭക്തർ പ്രാർത്ഥനകൾ അർപ്പിക്കുകയായിരുന്നു. ആ സമയത്ത് ക്ഷേത്രത്തിനടുത്തുള്ള ഒരു അനധികൃത പള്ളിയിൽ നിന്ന് മുസ്ലീം സമൂഹം വളരെ ഉച്ചത്തിൽ ബാങ്ക് വിളിക്കാൻ തുടങ്ങി. ആ പ്രദേശം ക്ഷേത്രത്തിന്റേതായതിനാൽ ബാങ്കിന്റെ ശബ്ദം കുറയ്ക്കാൻ ഞങ്ങൾ അവിടെ പോയിരുന്നു. ക്ഷേത്ര പരിസരത്ത് പ്രവേശിക്കുന്നതിൽ നിന്ന് അവർ ഞങ്ങളെ തടഞ്ഞത് ശരിയായ കാര്യമല്ല.

पुण्येश्वर मंदिराजवळ विवादित जागेतील खोट्या आरोपांबद्दल जाब... गुन्हा दाखल करण्याची आमची मागणी@narendramodi @AmitShah @AmitShahOffice @Dev_Fadnavis @cbawankule @RaviDadaChavan @BJP4Maharashtra #punyeshwar #punyeshwarmahadevpune #pune #punyeshwar🚩 pic.twitter.com/aMox14TpXV

— Dr. Medha Kulkarni (@Medha_kulkarni) April 18, 2025

ഇതിൽ പ്രതിഷേധിച്ച് ദർഗയിലുള്ളവർ മോശമായി സംസാരിക്കുകയും അസഭ്യം പറയുകയും ചെയ്തു. അത് അവിടെ ബഹളത്തിന് കാരണമായി. അവർ എനിക്കെതിരെ ഉന്നയിക്കുന്ന ആരോപണങ്ങൾ തെളിയിക്കണം. അല്ലെങ്കിൽ പോലീസ് അവർക്കെതിരെ നടപടിയെടുക്കണം. അന്ന് തന്നെ ഞാൻ ഈ വിഷയത്തിൽ പോലീസിൽ പരാതി നൽകിയിട്ടുണ്ട്. എനിക്ക് കൂടുതൽ സുരക്ഷ നൽകണമെന്നും ആവശ്യപ്പെട്ടിട്ടുണ്ട്, എന്നും മേധാ കുൽക്കർണി വ്യക്തമാക്കി. ഫ്രീ പ്രസ് ജേണലാണ് ഈ വാർത്ത പുറത്ത് വിട്ടത്.

Summary: BJP MP Medha Kulkarni is accused of trespassing at a Pune mosque. CCTV footage has been released, and the Minorities Commission has demanded her arrest. She has denied the allegations.

#PuneNews, #MedhaKulkarni, #MosqueIncident, #BJP, #MaharashtraPolitics, #ReligiousHarmony