കണ്ണൂർ: (KVARTHA) കഥാകൃത്ത് ടി. പത്മനാഭനുമായി സൗഹൃദം പങ്കിടാൻ സി.പി.എം. അഖിലേന്ത്യാ ജനറൽ സെക്രട്ടറി എം.എ. ബേബി അദ്ദേഹത്തിന്റെ വസതിയിലെത്തി. തിങ്കളാഴ്ച രാവിലെ 11:30-ഓടെ പള്ളിക്കുന്നിലെ രാജേന്ദ്ര നഗറിലുള്ള ടി. പത്മനാഭന്റെ വീട്ടിലെത്തിയാണ് എം.എ. ബേബി അദ്ദേഹവുമായി കൂടിക്കാഴ്ച നടത്തിയത്. എഴുത്തും വായനയുമായി വിശ്രമജീവിതം നയിക്കുന്ന ടി. പത്മനാഭനെ എം.എ. ബേബി പൊന്നാടയണിയിച്ച് ആദരിച്ചു.

അഖിലേന്ത്യാ സെക്രട്ടറിയായി തിരഞ്ഞെടുക്കപ്പെട്ട ശേഷം ആദ്യമായി കണ്ണൂരിലെത്തിയ എം.എ. ബേബി, താൻ നേതൃത്വം നൽകിയ സ്വരലയ കലാ-സാംസ്കാരിക വേദിയുമായി ടി. പത്മനാഭൻ പുലർത്തിയ അടുത്ത ബന്ധം ഓർത്തെടുത്തു. 

ഹിന്ദുസ്ഥാനി, കർണാടിക് സംഗീതജ്ഞരെക്കുറിച്ചും ഇരുവരും സംസാരിച്ചു. ഏകദേശം ഒരു മണിക്കൂറോളം നീണ്ട കൂടിക്കാഴ്ചയ്ക്ക് ശേഷം എം.എ. ബേബി മടങ്ങി. സി.പി.എം. കണ്ണൂർ ജില്ലാ സെക്രട്ടറി കെ.കെ. രാഗേഷ്, മുൻ എം.എൽ.എ. ടി.വി. രാജേഷ്, പി.പി. വിനീഷ് തുടങ്ങിയവരും ഒപ്പമുണ്ടായിരുന്നു. മുൻ മുഖ്യമന്ത്രി ഇ.കെ. നായനാരുടെ അനുസ്മരണ സമ്മേളനത്തിൽ പങ്കെടുക്കാനാണ് എം.എ. ബേബി കണ്ണൂരിലെത്തിയത്.

 ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക, 

Summary: CPM All India General Secretary M.A. Baby visited writer T. Padmanabhan at his residence in Kannur. They shared a friendly meeting where M.A. Baby honored T. Padmanabhan with a shawl and reminisced about their long-standing relationship.

#MABaby, #TPadmanabhan, #Kannur, #KeralaPolitics, #LiteraryMeeting, #Friendship