ഇടതുപക്ഷം വിട്ട് ഞാന്‍ എങ്ങും പോകില്ല ആരും അങ്ങനെ മോഹിക്കേണ്ടെന്ന് നോവലിസ്റ്റ് എം മുകുന്ദൻ

കണ്ണൂർ: (KVARTHA) പി.എം. ശ്രീ പദ്ധതി നടപ്പിലാക്കുന്നതുമായി ബന്ധപ്പെട്ട് കവി സച്ചിദാനന്ദൻ ഉൾപ്പെടെയുള്ള പ്രമുഖ സാംസ്കാരിക നായകൻമാർ പിണറായി സർക്കാരിനെതിരെ പ്രതിഷേധവുമായി രംഗത്തു വന്ന സാഹചര്യത്തിൽ, ഇടതു സർക്കാരിന് തൻ്റെ ശക്തമായ പിന്തുണ ഉറപ്പിച്ച് രംഗത്തെത്തിയിരിക്കുകയാണ് പ്രശസ്ത നോവലിസ്റ്റ് എം. മുകുന്ദൻ. ഇടതുപക്ഷം വിട്ട് താൻ എവിടെയും പോകില്ലെന്ന ഉറച്ച നിലപാടാണ് അദ്ദേഹം ഫെയ്‌സ്ബുക്ക് പോസ്റ്റിലൂടെ വ്യക്തമാക്കിയത്.

താൻ ഓർമ്മ വെച്ച നാൾ തുടങ്ങി ഒരു ഇടതുപക്ഷക്കാരനാണെന്നും, ഇടതുപക്ഷം വിട്ട് എവിടെയും പോകില്ലെന്നും എം മുകുന്ദന്‍ തൻ്റെ ഫെയ്‌സ്ബുക്കിൽ കുറിച്ചു. നിലവിലെ രാഷ്ട്രീയ സാഹചര്യത്തിൽ അദ്ദേഹത്തിൻ്റെ വാക്കുകൾ ശ്രദ്ധേയമാവുകയാണ്.

എം. മുകുന്ദൻ്റെ വാക്കുകൾ: 'ഞാന്‍ ഇടതുപക്ഷത്തെ ഭയപ്പെടുന്നു എന്ന് പറഞ്ഞാല്‍ അതിൻ്റെ അര്‍ത്ഥം ഞാന്‍ എന്നെ തന്നെ ഭയപ്പെടുന്നു എന്നാണ്. ചിലപ്പോൾ ചില വിയോജിപ്പുകള്‍ പ്രകടിപ്പിക്കും, അത് ആത്മപരിശോധനയാണ്. ഇടതുപക്ഷം വിട്ട് താൻ എവിടെയും പോകില്ലെന്നും അങ്ങനെ ആരും മോഹിക്കേണ്ടെന്നും എം മുകുന്ദന്‍ പറഞ്ഞു.'

സാംസ്കാരിക രംഗത്തുനിന്ന് പ്രതിഷേധ സ്വരങ്ങൾ ഉയരുന്നതിനിടെ എം മുകുന്ദൻ്റെ ഈ പ്രതികരണം ഇടതു സൈബർ കേന്ദ്രങ്ങളിൽ വ്യാപകമായി പ്രചരിപ്പിക്കപ്പെടുന്നുണ്ട്. സി പി എം സർക്കാരിനെതിരെ സാംസ്കാരിക ലോകം ഒരേ സ്വരത്തിൽ രംഗത്തുവരുന്നു എന്ന ആക്ഷേപങ്ങൾക്കിടെ എം മുകുന്ദൻ്റെ പിന്തുണ ഇടതുപക്ഷത്തിന് ആശ്വാസമാവുകയാണ്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കൂ.

Article Summary: Novelist M Mukundan defends his left political stand amidst PM SHRI controversy.

#MMukundan #LeftSupport #KeralaPolitics #CulturalSupport #PMSHRI #CPM