കണ്ണൂർ: (KVARTHA) മുൻ കണ്ണൂർ ജില്ലാ പഞ്ചായത്ത് പ്രസിഡന്റ് പി.പി. ദിവ്യയ്ക്കെതിരെ ഗുരുതരമായ ആരോപണങ്ങളുമായി കെ.എസ്.യു. രംഗത്ത്. കെ.എസ്.യു. സംസ്ഥാന വൈസ് പ്രസിഡന്റ് പി. മുഹമ്മദ് ഷമ്മാസ് വിജിലൻസ് ഡയറക്ടർക്ക് ഇതുമായി ബന്ധപ്പെട്ട് പരാതി നൽകി. ജില്ലാ പഞ്ചായത്ത് ഭൂമി വാങ്ങിയതിലെയും, ബിനാമി കമ്പനിക്ക് കരാർ നൽകിയതിലെയും ക്രമക്കേടുകളാണ് പ്രധാന ആരോപണങ്ങൾ.

പി.പി. ദിവ്യ ജില്ലാ പഞ്ചായത്ത് പ്രസിഡന്റായിരുന്ന കാലത്ത്, കണ്ണൂരിലെ പ്രമുഖ ടൂറിസ്റ്റ് കേന്ദ്രമായ പാലക്കയം തട്ടിൽ, ബിനാമി കമ്പനിക്ക് കോടികളുടെ കരാറുകൾ ലഭിച്ചെന്നും, ഇതുമായി ബന്ധപ്പെട്ട് ഭർത്താവിനും മറ്റു ചിലർക്കും ഭൂമി ലഭിച്ചെന്നും ഷമ്മാസ് ആരോപിച്ചു. കൂടാതെ, കണ്ണൂർ ജില്ലാ ആശുപത്രിക്ക് സമീപം 49 സെൻ്റ് സ്ഥലം വാങ്ങിയതിൽ ക്രമക്കേടുണ്ടെന്നും, ഈ ഭൂമിക്ക് മതിയായ വില നൽകിയിട്ടില്ലെന്നും അദ്ദേഹം ആരോപിച്ചു. ഈ ഭൂമിയിൽ നിർമ്മാണ പ്രവർത്തനങ്ങൾ നടത്താൻ സാധിക്കില്ല എന്നിരിക്കെയാണ് ഈ ഇടപാട് നടന്നതെന്നും അദ്ദേഹം കൂട്ടിച്ചേർത്തു.

സംസ്ഥാന ഓഡിറ്റ് റിപ്പോർട്ടിൽ, ബിനാമി കമ്പനിക്ക് കരാർ നൽകിയതിലെ ക്രമക്കേടുകൾ വ്യക്തമായി രേഖപ്പെടുത്തിയിട്ടുണ്ട്. ഇ-ടെൻഡർ നടത്തിയതിനും രേഖകളില്ലെന്ന് റിപ്പോർട്ടിൽ പറയുന്നു. പി.പി. ദിവ്യയുടെ നേതൃത്വത്തിൽ നടന്നത് ദുരൂഹമായ ഇടപാടുകളാണെന്നും, സ്കൂളുകളിൽ കുടുംബശ്രീ കിയോസ്ക് നിർമ്മിച്ചതിലും വ്യാപകമായ അഴിമതി നടന്നുവെന്നും ഷമ്മാസ് ആരോപിച്ചു.

‘അഴിമതിയുടെ ആൾരൂപമായ പി.പി. ദിവ്യ പെരും കള്ളിയാണ്. രേഖകളും തെളിവുകളും പുറത്തുവിട്ടപ്പോൾ നിയമനടപടി എന്ന് പറഞ്ഞ ദിവ്യ ഒരു മാസം പിന്നിട്ടിട്ടും മിണ്ടുന്നില്ല. പി.പി. ദിവ്യയുടെ മടിയിൽ കനം ഉള്ളതുകൊണ്ട് ഉള്ളിൽ ഭയമുണ്ട്,’ മുഹമ്മദ് ഷമ്മാസ് കൂട്ടിച്ചേർത്തു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക 

 KSU has raised serious allegations against P.P. Divya, former District Panchayat president, over corruption in land deals and contracts awarded to a shell company.

 #CorruptionAllegations #KSU #PPDivya #KochiNews #PoliticalScandal #KeralaNews