ആഡംബര കാർ യാത്രാ വിവാദം: മന്ത്രി കെ എം ഷാജിയെ ന്യായീകരിച്ച് മന്ത്രി സണ്ണി ജോസഫ്; വാഹനം ഉപയോഗിക്കാത്തത് പണം ലാഭിക്കാൻ

കണ്ണൂർ: (KVARTHA) ആഡംബര കാർ യാത്രാ വിവാദത്തിൽ മന്ത്രി കെഎം ഷാജിയെ ന്യായീകരിച്ച് മന്ത്രി സണ്ണി ജോസഫ് രംഗത്ത്. കണ്ണൂരിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. സർക്കാരിനെ വിമർശിക്കാൻ മറ്റൊന്നുമില്ലാത്തതുകൊണ്ടാണ് കാറിൻ്റെ പേരിൽ മന്ത്രി കെഎം ഷാജിയെ വിമർശിക്കുന്നതെന്ന് അദ്ദേഹം പറഞ്ഞു.

സർക്കാർ വാഹനം ഉപയോഗിക്കാതെ അദ്ദേഹം സർക്കാരിൻ്റെ പണം ലാഭിക്കുകയാണ് ചെയ്യുന്നത്. സുഹൃത്തുക്കൾ നൽകുന്നത് സൗജന്യമല്ല, അതൊരു സൗകര്യമാണ്. സൗജന്യവും സൗകര്യവും രണ്ടും രണ്ടാണെന്ന് സണ്ണി ജോസഫ് കൂട്ടിച്ചേർത്തു.

വിദേശ യാത്രകൾ സർക്കാർ ചെലവിലല്ല

മന്ത്രിമാർ വിദേശ യാത്ര നടത്തിയത് സർക്കാർ ചെലവിലല്ലെന്നും അദ്ദേഹം വ്യക്തമാക്കി. സർക്കാരിനെ വിമർശിക്കാൻ മറ്റൊന്നും ഇല്ലാത്തതുകൊണ്ടാണ് ഇത്തരം വിവാദങ്ങളുണ്ടാകുന്നത്. മന്ത്രിമാരുടെ വിദേശ യാത്രയിൽ വിവാദമുണ്ടാക്കേണ്ട കാര്യമില്ല. ആരും സർക്കാരിൻ്റെ പണം ഉപയോഗിച്ചല്ല യാത്ര ചെയ്യുന്നത്. ഗൾഫിലേക്കുള്ളത് വലിയ ചെലവുള്ള യാത്രയല്ലെന്നും സണ്ണി ജോസഫ് പറഞ്ഞു.

ലോക കേരളസഭയെക്കുറിച്ച്

ലോക കേരളസഭ ധൂർത്ത് മാറ്റി നിർത്തിയാൽ നല്ലൊരു ആശയമാണ്. പണം അനുവദിച്ചത് നന്നായി ചെലവഴിക്കാൻ വേണ്ടിയാണ്. ഇക്കാര്യത്തിൽ സർക്കാരിൻ്റേത് 'യു ടേൺ' അല്ല, 'റൈറ്റ് ടേൺ' ആണെന്നും മന്ത്രി സണ്ണി ജോസഫ് പ്രതികരിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.   

Article Summary: Minister Sunny Joseph defended Minister KM Shaji in the luxury car travel controversy, stating that avoiding official vehicles saves government money and that the trips were not at the government's expense.

#Kvartha #KMShaji #SunnyJoseph #UDFGovernment #KeralaPolitics #KannurNews #MalayalamNews