ശബരിമലയിലെ സ്വർണക്കടത്തിന്റെ വിവാദം വഴിതിരിച്ചുവിടാനാണ് ഷാഫി പറമ്പിലിന് നേരെ ആക്രമണം നടന്നത്; കാട്ടുനീതിയുടെ കണക്കുകൾ എഴുതിവെച്ചിട്ടുണ്ടെന്ന് കെ സി വേണുഗോപാൽ

കണ്ണൂർ: (KVARTHA) ശബരിമലയിലെ സ്വർണക്കടത്ത് വിവാദത്തിൽ നിന്നും ശ്രദ്ധ വഴിതിരിച്ചുവിടാനാണ് ഷാഫി പറമ്പിലിന് നേരെ ആക്രമണം നടന്നതെന്ന് എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ എം.പി. ആരോപിച്ചു. 

ഷാഫിക്ക് നേരെ നടന്നത് 'കാട്ടുനീതി'യാണെന്നും ഇതിന്റെയെല്ലാം കണക്കുകൾ എഴുതിവെച്ചിട്ടുണ്ടെന്നും അദ്ദേഹം തളിപ്പറമ്പിൽ മാധ്യമപ്രവർത്തകരോട് സംസാരിക്കുകയായിരുന്നു.

'രാജാവിനേക്കാൾ രാജഭക്തി കാണിക്കുന്ന പോലീസുകാർ ഇത് ഓർക്കുന്നത് നന്നായിരിക്കും', അദ്ദേഹം പറഞ്ഞു. മൂന്ന് മണിക്കൂർ നീണ്ടുനിൽക്കുന്ന ശസ്ത്രക്രിയയാണ് ഷാഫിക്ക് നടന്നതെന്നും ഇതിന്റെയെല്ലാം കണക്ക് തീർക്കുമെന്നും കെ.സി. വേണുഗോപാൽ കൂട്ടിച്ചേർത്തു.

മുഖ്യമന്ത്രിയുടെ മകന് 2023-ൽ ലൈഫ് മിഷൻ പദ്ധതി അഴിമതിക്കേസിൽ എൻഫോഴ്സ്മെന്റ് ഡയറക്ടറേറ്റ് സമൻസ് അയച്ച വിവരം പുറത്തുവന്നതും, മുഖ്യമന്ത്രി ഉദ്യോഗസ്ഥൻമാരില്ലാതെ കേന്ദ്രമന്ത്രിമാരുടെ വീടുകളിൽ സന്ദർശനം നടത്തുന്നതും കൂട്ടിവായിക്കുമ്പോൾ, 'ഡെൻമാർക്കിൽ എന്തോ ചീഞ്ഞുനാറുന്നുണ്ട്' എന്ന് സംശയിക്കേണ്ടതുണ്ടെന്നും അദ്ദേഹം പറഞ്ഞു. അങ്ങനെയില്ലെന്ന് തെളിയിക്കേണ്ടത് കേരളത്തിന്റെ മുഖ്യമന്ത്രിയാണെന്നും അദ്ദേഹം ആവശ്യപ്പെട്ടു.

മറ്റു ആർക്കെങ്കിലുമാണ് സമൻസ് അയച്ചതെങ്കിൽ ഇ.ഡി. തന്നെ അതിന് പരമാവധി പ്രചാരം നൽകുമായിരുന്നു. എന്നാൽ, ഈക്കാര്യം രണ്ട് വർഷത്തിന് ശേഷമാണ് പുറത്തുവന്നതെന്നും കെ.സി. വേണുഗോപാൽ ചൂണ്ടിക്കാട്ടി.

ഡി.സി.സി അദ്ധ്യക്ഷൻമാർട്ടിൻ ജോർജ്, സജിവ് ജോസഫ് എം.എൽ.എ, തുടങ്ങിയവർ കെ .സിയോടൊപ്പമുണ്ടായിരുന്നു.

കെ.സി. വേണുഗോപാലിന്റെ ഈ ആരോപണങ്ങളോട് നിങ്ങൾ യോജിക്കുന്നുണ്ടോ? വാർത്ത ഷെയർ ചെയ്യുക. 

Article Summary: KC Venugopal alleges that the attack on Shafi Parambil was to divert attention from the Sabarimala Gold controversy and raised suspicion about CM's son's ED summon.

#KCVenugopal #ShafiParambil #SabarimalaGoldScam #LifeMission #KeralaPolitics #Congress