കണ്ണൂർ സർവകലാശാല യൂണിയൻ തിരഞ്ഞെടുപ്പ്; എസ്എഫ്ഐ കോട്ടകൾ തകർത്ത് കെഎസ്യു - എംഎസ്എഫ് മുന്നേറ്റം, ഐടിഎം കോളജിൽ ചരിത്രവിജയം
ADVERTISEMENT
● കണ്ണൂർ ഗവൺമെന്റ് വനിതാ കോളജിൽ കെഎസ്യു മുന്നണി ഹാട്രിക് വിജയം നേടി യൂണിയൻ നിലനിർത്തി
● ശ്രീകണ്ഠാപുരം എസ്ഇഎസ് കോളജിൽ ചെയർമാൻ ഉൾപ്പെടെ ഒൻപത് സീറ്റിൽ കെഎസ്യു മുന്നണി വിജയിച്ചു
● സർ സയ്യിദ് കോളജ്, എംഎം കോളജ് കാരക്കുണ്ട് ഉൾപ്പെടെയുള്ള കോളജുകളിൽ എംഎസ്എഫ് ഒറ്റയ്ക്ക് യൂണിയൻ നേടി
● ഡിപോൾ കോളജ് എടത്തൊട്ടി, ഇരിട്ടി മഹാത്മാ ഗാന്ധി കോളജ് എന്നിവിടങ്ങളിലും കെഎസ്യു മുന്നണി യൂണിയൻ പിടിച്ചു
കണ്ണൂർ: (KVARTHA) സർവകലാശാല കോളജ് യൂണിയൻ തിരഞ്ഞെടുപ്പിൽ കെഎസ്യു - എംഎസ്എഫ് മുന്നണിക്ക് മികച്ച മുന്നേറ്റം. എസ്എഫ്ഐ ചെങ്കോട്ടയായി കയ്യടക്കിവെച്ച മയ്യിൽ ഐടിഎം കോളജ് ചരിത്രത്തിൽ ആദ്യമായി കെഎസ്യു മുന്നണി മുഴുവൻ സീറ്റിലും വിജയിച്ച് സ്വന്തമാക്കി.
കണ്ണൂർ ഗവൺമെൻ്റ് വനിതാ കോളജിൽ കെഎസ്യു മുന്നണി ഹാട്രിക് വിജയം നേടി യൂണിയൻ നിലനിർത്തി. ശ്രീകണ്ഠാപുരം എസ്ഇഎസ് കോളജ് യൂണിയൻ ചെയർമാൻ ഉൾപ്പെടെ ഒൻപത് സീറ്റിൽ കെഎസ്യു മുന്നണി ചരിത്രത്തിൽ ആദ്യമായി വിജയിച്ചു.
എംഎസ്എഫിന് ഒറ്റയ്ക്ക് വിജയം
സർ സയ്യിദ് കോളജ്, സർ സയ്യിദ് ഇൻസ്റ്റിറ്റ്യൂട്ട്, എംഎം കോളജ് കാരക്കുണ്ട്, എൻഎഎം കല്ലിക്കണ്ടി, എൻഐഎ കടവത്തൂർ, എസ്യുഎം മാമ്പ, സലഫി ബിഎഡ്, കേയി സാഹിബ് ബിഎഡ്, ക്രെസെൻ്റ് ബിഎഡ്, എംഇസിഎഫ് കടവത്തൂർ എന്നിവിടങ്ങളിൽ എംഎസ്എഫ് ഒറ്റയ്ക്കാണ് യൂണിയൻ നേടിയത്. കണ്ണൂർ സർവകലാശാലയിൽ മികച്ച മുന്നേറ്റമാണ് എംഎസ്എഫിന് നേടാൻ കഴിഞ്ഞതെന്ന് നേതാക്കൾ പറഞ്ഞു.
കെഎസ്യു മുന്നണിക്ക് ജയം
ഡിപോൾ കോളജ് എടത്തൊട്ടി, ഇരിട്ടി മഹാത്മാ ഗാന്ധി കോളജ്, ദേവമാത പൈസക്കരി, കോൺകോർഡ് മുട്ടന്നൂർ എന്നിവിടങ്ങളിൽ കെഎസ്യു മുന്നണി യൂണിയൻ പിടിച്ചു. മാടായി കോളജിൽ എംഎസ്എഫ് ഒറ്റയ്ക്ക് അക്കൗണ്ട് തുറന്ന് ചരിത്രം കുറിച്ചു. തലശ്ശേരി ബ്രണ്ണൻ കോളജിലെ അറബിക്, ഉറുദു ഡിപ്പാർട്ട്മെൻ്റ് സീറ്റുകളാണ് ഇത്തവണ എംഎസ്എഫിന് നഷ്ടമായത്.
എസ്എഫ്ഐക്കെതിരെ വിമർശനം
മയ്യിൽ ഐടിഎം കോളജിൽ എസ്എഫ്ഐ - ഡിവൈഎഫ്ഐ പ്രവർത്തകരുടെ അക്രമത്തെ ചെറുത്തുതോൽപ്പിച്ചാണ് ആദ്യമായി യൂണിയൻ പിടിച്ചതെന്ന് കെഎസ്യു - എംഎസ്എഫ് നേതാക്കൾ പ്രതികരിച്ചു. എസ്എഫ്ഐ വിദ്യാർഥികൾക്കിടയിൽ നടത്തുന്ന വർഗീയ പ്രചാരണങ്ങളും അക്രമവും അവസാനിപ്പിക്കാൻ തയ്യാറായില്ലെങ്കിൽ അവർ അപ്രസക്തമാകുമെന്ന് എംഎസ്എഫ് ജില്ലാ പ്രസിഡൻ്റ് യൂനുസ് പടന്നോട്ട്, ജനറൽ സെക്രട്ടറി കെപി റംഷാദ് എന്നിവർ പറഞ്ഞു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.
Article Summary: The KSU-MSF alliance made significant gains in the Kannur University college union elections, capturing former SFI strongholds including Mayyil ITM College and securing a hat-trick win at Kannur Govt Women's College.
#Kvartha #KannurUniversity #CollegeElection #KSU #MSF #SFI #KannurNews #KeralaPolitics #MalayalamNews #CampusPolitics #AmmuNews
