കണ്ണൂരിൽ ഡിഐജി ഓഫിസ് മാർച്ചിൽ സംഘർഷം; കെഎസ് യു പ്രവർത്തകർക്കെതിരെ ജലപീരങ്കി പ്രയോഗിച്ച് പോലീസ്

കണ്ണൂർ: (KVARTHA) പോലീസ് രാജിനെതിരെ കണ്ണൂർ ഡിഐജി ഓഫിസിലേക്ക് കെഎസ് യു നടത്തിയ മാർച്ച് സംഘർഷത്തിൽ കലാശിച്ചു. ബാരിക്കേഡ് മറിച്ചിടാൻ ശ്രമിച്ച പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. 

തുടർന്ന് പ്രവർത്തകരും പോലീസുമായി ഉന്തുംതള്ളും ഏറ്റുമുട്ടലുമുണ്ടായി. ഇരുപതോളം പ്രവർത്തകരെ പോലീസ് അറസ്റ്റ് ചെയ്ത് നീക്കി. ചൊവ്വാഴ്ച പകൽ 12 മണിയോടെ ഡിസിസി ഓഫീസിൽ നിന്നാണ് വിദ്യാർഥികൾ പ്രകടനമായി എത്തിയത്.  കണ്ണൂർ ടൗൺ പോലീസ് ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിൽ വൻ പോലീസ് സംഘം സ്ഥലത്ത് നിലയുറപ്പിച്ചിരുന്നു. 

കെഎസ് യു സംസ്ഥാന പ്രസിഡൻറ് മുഹമ്മദ് ഷമ്മാസ് മാർച്ച് ഉദ്ഘാടനം ചെയ്തു. ജില്ലാ പ്രസിഡൻറ് എം.സി. അതുൽ അധ്യക്ഷത വഹിച്ചു. കാവ്യ ദിവാകരൻ, അഷിത്ത് അശോകൻ, അലക്സ് ബെന്നി, അർജുൻ കോറോം, അക്ഷയ് മാട്ടൂൽ തുടങ്ങിയവർ സമരത്തിന് നേതൃത്വം നൽകി.

ഉദ്ഘാടന പ്രസംഗത്തിന് ശേഷമാണ് പ്രവർത്തകർ ബാരിക്കേഡ് മറിച്ചിടാൻ ശ്രമിച്ചത്. ഇത് സംഘർഷത്തിന് കാരണമായി. തുടർന്ന് പോലീസ് ജലപീരങ്കി പ്രയോഗിച്ചു. പ്രവർത്തകരെ അറസ്റ്റ് ചെയ്യാൻ ശ്രമിച്ചതും സംഘർഷത്തിന് വഴിവെച്ചു. പോലീസ് വാനിൽ വെച്ചും പ്രവർത്തകരും പോലീസുമായി ഏറ്റുമുട്ടി. പ്രവർത്തകരെ അറസ്റ്റ് ചെയ്ത് നീക്കിയതോടെയാണ് സംഘർഷം അവസാനിച്ചത്.

കണ്ണൂരിൽ നടന്ന ഈ പോലീസ് നടപടിയെക്കുറിച്ച് നിങ്ങളുടെ അഭിപ്രായമെന്ത്? കമന്റ് ചെയ്യൂ.

Article Summary: KSU protest at Kannur DIG office turns violent; police use water cannons.

#Kannur #KSU #KeralaPolice #Protest #StudentPolitics #KannurNews