കണ്ണൂർ: (KVARTHA) സംഘ്പരിവാർ നേതാക്കളെപ്പോലും ലജ്ജിപ്പിക്കുന്ന തരത്തിലുള്ള ഗാന്ധി നിന്ദയാണ് കണ്ണൂരിലെ സി.പി.എം നേതാക്കൾ നടത്തുന്നതെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. മലപ്പട്ടം അടുവാപുറത്ത് ഗാന്ധി സ്തൂപം നിർമ്മിക്കാൻ അനുവദിക്കില്ലെന്ന് സി.പി.എം ജില്ലാ സെക്രട്ടേറിയറ്റ് അംഗം പി.വി. ഗോപിനാഥ് ഭീഷണിപ്പെടുത്തി. ഗാന്ധി നിന്ദ നടത്തുകയും പരസ്യമായി ഭീഷണിപ്പെടുത്തുകയും ചെയ്ത ഇയാൾക്കെതിരെ പോലീസ് കേസെടുക്കണം.

യൂത്ത് കോൺഗ്രസ് നിയോജകമണ്ഡലം സെക്രട്ടറി സനീഷിന്റെ പേരെടുത്തുപറഞ്ഞാണ് സി.പി.എം നേതാവായ ഈ ക്രിമിനൽ ഭീഷണി മുഴക്കിയത്. സനീഷിന്റെ വീടിനു മുന്നിലോ അടുക്കളയിലോ ഗാന്ധി സ്തൂപം നിർമ്മിച്ചാൽ തകർക്കുമെന്നാണ് ഇയാളുടെ ഭീഷണി. 

ഇതേ ഭാഷ തന്നെയാണ് സി.പി.എം കണ്ണൂർ ജില്ലാ സെക്രട്ടറിയുടേതും. കൊലപാതകവും ഗുണ്ടായിസവും ക്വട്ടേഷൻ പ്രവർത്തനങ്ങളുമൊക്കെയാണ് സി.പി.എം എന്ന പാർട്ടിയുടെ പൊതുപരിപാടിയെന്ന് ഈ നേതാക്കൾ വ്യക്തമാക്കുന്നു. 

മലപ്പട്ടം അടുവാപുറത്ത് ഗാന്ധി സ്തൂപം നിർമ്മിക്കുമെന്നു തന്നെയാണ് സി.പി.എം ക്രിമിനൽ സംഘങ്ങളോട് പറയാനുള്ളത്. ആരൊക്കെ ഏതൊക്കെ രീതിയിൽ ഭീഷണിപ്പെടുത്തിയാലും നിങ്ങൾ പാർട്ടി ഗ്രാമങ്ങളെന്ന് അവകാശപ്പെടുന്ന ഇടങ്ങളിലേക്കെല്ലാം കോൺഗ്രസ് കടന്നുവരുമെന്നും പ്രതിപക്ഷ നേതാവ് പ്രസ്താവനയിൽ പറഞ്ഞു.

സിപിഎം നേതാക്കളുടെ ഈ ഭീഷണിയെക്കുറിച്ചും വി.ഡി. സതീശന്റെ പ്രസ്താവനയെക്കുറിച്ചുമുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: The CPM opposes the Congress's move to build a Gandhi statue in Kannur. VD Satheesan alleges that CPM leaders are insulting Gandhi and demands police action against a CPM leader who threatened to destroy the statue. Satheesan vows to proceed with the construction.

#Kannur, #GandhiStatue, #CPM, #Congress, #VDSatheesan, #KeralaPolitics