കണ്ണൂരിൽ കോൺഗ്രസ് സമരസംഗമ വേദിയിൽ സുധാകര വിഭാഗത്തിൻ്റെ പ്രതിഷേധം

കണ്ണൂർ: (KVARTHA) കണ്ണൂരിൽ കോൺഗ്രസ് സംഘടിപ്പിച്ച സമരസംഗമ പരിപാടിയിൽ കെ. സുധാകരൻ്റെ അനുകൂലികൾ പ്രതിഷേധിച്ചു. പരിപാടിക്ക് തൊട്ടുമുമ്പ് സുധാകരൻ്റെ കൂറ്റൻ ബോർഡ് സ്ഥാപിച്ചുകൊണ്ടായിരുന്നു പ്രതിഷേധത്തിന് തുടക്കം. സുധാകരന് അനുകൂലമായ മുദ്രാവാക്യങ്ങൾ വിളിക്കുകയും ചെയ്തു.

കെ.പി.സി.സി.യുടെ ആഹ്വാനപ്രകാരം കണ്ണൂർ ഡി.സി.സി. സംഘടിപ്പിച്ച സമരസംഗമം പരിപാടിയിലായിരുന്നു ഈ പ്രതിഷേധങ്ങൾ. പരിപാടിയുടെ പോസ്റ്ററിൽ കെ. സുധാകരൻ്റെ ചിത്രം ഇല്ലാത്തതിനെതിരെ നേരത്തെ തന്നെ പ്രതിഷേധം ഉയർന്നിരുന്നു. ചരിത്രത്തിലാദ്യമായാണ് കെ. സുധാകരൻ പങ്കെടുക്കാതെ കണ്ണൂരിൽ ഒരു കോൺഗ്രസ് പൊതുപരിപാടി നടക്കുന്നത്. എറണാകുളത്ത് ചികിത്സയിലായിരുന്ന കെ. സുധാകരൻ നിലവിൽ ഡൽഹിയിലാണ്.

കെ.പി.സി.സി. അധ്യക്ഷൻ സണ്ണി ജോസഫ്, യു.ഡി.എഫ്. കൺവീനർ അടൂർ പ്രകാശ്, രാജ് മോഹൻ ഉണ്ണിത്താൻ തുടങ്ങിയ നേതാക്കൾ സംഗമ വേദിയിലേക്ക് കടന്നുവരുമ്പോഴും 'കണ്ണൂരിലൊന്നേ നേതാവുള്ളൂ' എന്ന് വിളിച്ചുകൊണ്ട് സുധാകരന് അനുകൂലമായ മുദ്രാവാക്യം വിളികൾ ഉയർന്നു.

കണ്ണൂരിലെ ഈ കോൺഗ്രസ് പ്രതിഷേധത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: K Sudhakaran supporters protest at Congress event in Kannur.

#KannurCongress #KSudhakaran #CongressKerala #Protest #KeralaPolitics #PoliticalNews