Allegation | 'തൃശൂർ പോലെ മറ്റൊരു ഡീലാണോ എന്ന് സംശയം', വീണ വിജയന്റെ മൊഴിയെടുക്കലിൽ പ്രതികരണവുമായി കെ മുരളീധരൻ
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
● കേസിന്റെ അന്വേഷണം പത്ത് മാസങ്ങൾക്കുശേഷമാണ് ആരംഭിക്കുന്നത്.
● തൃശൂരിൽ കണ്ടതുപോലെ, അത് തെരഞ്ഞെടുപ്പിന് മുമ്പുള്ള ഒരു ധാരണയാകാം.
കൊച്ചി: (KVARTHA) മാസപ്പടി കേസിൽ, മുഖ്യമന്ത്രി പിണറായി വിജയന്റെ മകള് വീണ വിജയന്റെ മൊഴി രേഖപ്പെടുത്തിയതിൽ പ്രതികരണവുമായി കോൺഗ്രസ് നേതാവ് കെ മുരളീധരൻ. അന്വേഷണം ഏറ്റെടുത്ത് 10 മാസം പൂർത്തിയാകുമ്പോഴാണ് എസ്.എഫ്.ഐ.ഒ വീണയുടെ മൊഴി രേഖപ്പെടുത്തിയതെന്നും മറ്റൊരു ഡീലിന്റെ ആരംഭമാണോ ഇതെന്നാണ് സംശയിക്കുന്നതെന്നും അദ്ദേഹം പറഞ്ഞു.
ഡീല് അനുസരിച്ചാണെങ്കില് എസ്.എഫ്.ഐ.ഒ അന്വേഷണം മുന്നോട്ടുപോകില്ല. തൃശൂരിൽ കണ്ടതുപോലെ, തിരഞ്ഞെടുപ്പിന് മുമ്പുള്ള പരസ്പര ധാരണയായിരിക്കാം ഇത്. ചോദ്യം ചെയ്യല് മാത്രമേ നടക്കുന്നുള്ളൂ. റിസല്റ്റ് ഇതുവരെ പുറത്തുവന്നിട്ടില്ലെന്നും അദ്ദേഹം വ്യക്തമാക്കി.
കഴിഞ്ഞ ബുധനാഴ്ച, ചെന്നൈയിലെ ഓഫിസിൽ എസ്.എഫ്.ഐ.ഒ അന്വേഷണ ഉദ്യോഗസ്ഥൻ അരുണ് പ്രസാദാണ് വീണ വിജയനിൽ നിന്ന് വിവരങ്ങൾ ശേഖരിച്ചത്. കേസിന്റെ അന്വേഷണം പത്ത് മാസങ്ങൾക്കുശേഷമാണ് ആരംഭിക്കുന്നത്. രണ്ടു തവണ വീണയില് നിന്നു മൊഴിയെടുത്തതായാണ് സൂചന.
#KeralaPolitics, #VeenaVijayan, #KMuraleedharan, #SFIO, #Investigation, #Congress
