ന്യൂഡൽഹി: (KVARTHA) മുൻ ഡൽഹി മുഖ്യമന്ത്രി അതിഷിയെ നിയമസഭയിലെ പ്രതിപക്ഷ നേതാവായി തിരഞ്ഞെടുത്തു. ഞായറാഴ്ച നടന്ന ആം ആദ്മി പാർട്ടി നിയമസഭാ പാർട്ടി യോഗത്തിലാണ് തീരുമാനം. ആം ആദ്മി പാർട്ടി ദേശീയ കൺവീനർ അരവിന്ദ് കെജ്‌രിവാൾ, അതിഷി, മുൻ മന്ത്രി ഗോപാൽ റായ് തുടങ്ങി  നിരവധി മുതിർന്ന നേതാക്കൾ യോഗത്തിൽ പങ്കെടുത്തു.

ഇതോടെ ഡൽഹി നിയമസഭയിൽ മുഖ്യമന്ത്രിയും പ്രതിപക്ഷ നേതാവും സ്ത്രീകളായിരിക്കും എന്നതാണ് പ്രത്യേകത. 'എന്നിൽ വളരെയധികം വിശ്വസിച്ച് ഈ ഉത്തരവാദിത്തം നൽകിയതിന് അരവിന്ദ് കെജ്‌രിവാളിനും ആം ആദ്മി പാർട്ടിയുടെ എല്ലാ എംഎൽഎമാർക്കും നന്ദി പറയുന്നു', പ്രതിപക്ഷ നേതാവായി തിരഞ്ഞെടുക്കപ്പെട്ട ശേഷം അതിഷി വാർത്താസമ്മേളനത്തിൽ പറഞ്ഞു.

ചരിത്രത്തിലാദ്യമായാണ് ഡൽഹിയിൽ ഒരു വനിത പ്രതിപക്ഷ നേതാവാകുന്നത്. ഫെബ്രുവരി 25 തിങ്കളാഴ്ച രാവിലെ 11 മണിക്ക് പുതുതായി തിരഞ്ഞെടുക്കപ്പെട്ട അംഗങ്ങൾ സത്യപ്രതിജ്ഞ ചെയ്യുന്നതോടെ ഡൽഹി നിയമസഭയുടെ ആദ്യ സമ്മേളനം ആരംഭിക്കും. മൂന്ന് ദിവസത്തെ സമ്മേളനത്തിൽ, മുൻ ആം ആദ്മി സർക്കാരിന്റെ പ്രകടനത്തെക്കുറിച്ചുള്ള സിഎജി റിപ്പോർട്ടുകൾ സഭയിൽ വയ്ക്കുമെന്ന് ഭരണകക്ഷിയായ ബിജെപി അറിയിച്ചിട്ടുണ്ട്.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക 

Atishi has been appointed as the Opposition Leader in Delhi, marking a historic moment as both the Chief Minister and Opposition Leader will now be women.

#Atishi #DelhiPolitics #WomenLeaders #OppositionLeader #DelhiAssembly #AamAadmiParty