തിരുവനന്തപുരം: (KVARTHA) സംസ്ഥാന ബജറ്റിന്മേലുള്ള ചർച്ചകൾക്ക് മറുപടി പറയവേ ധനമന്ത്രി കെ എൻ ബാലഗോപാൽ നിരവധി പുതിയ പ്രഖ്യാപനങ്ങൾ നടത്തി. ഷൺമുഖദാസ് മെമ്മോറിയൽ ആയുർവേദിക് ചൈൽഡ് ആൻഡ് അഡോളസെന്റ് കെയർ സെന്ററിന്റെ വികസനത്തിനായി രണ്ട് കോടി രൂപ വകയിരുത്തി. പ്രകൃതിക്ഷോഭത്തിൽ ദുരിതത്തിലാകുന്ന കർഷകർക്ക് ആശ്വാസം നൽകുന്നതിനായി 7.5 കോടി രൂപ ബജറ്റിൽ നീക്കിവെച്ചിട്ടുണ്ട്. 

ഇതിനുപുറമെ കുടിശ്ശികയുള്ള തുക കൂടി നൽകാനുള്ള നടപടികൾ സ്വീകരിക്കും. നാദാപുരം മണ്ഡലത്തിലെ വിലങ്ങാട്, പുതുക്കാട് മണ്ഡലത്തിലെ ആറ്റപ്പിള്ളി എന്നിവിടങ്ങളിൽ പ്രകൃതിക്ഷോഭ പരിഹാര പ്രവർത്തനങ്ങൾക്കും, റോഡ് നിർമ്മാണത്തിനും പ്രത്യേക പദ്ധതികൾ തയ്യാറാക്കും. കൂത്തുപറമ്പിലെ നരിക്കോട് മല, വാഴമല വിമാനപ്പാറ, പഴശ്ശി ട്രക്ക് പാത്ത് എന്നിവയെ ബന്ധിപ്പിച്ച് ഒരു ടൂറിസം ശൃംഖല രൂപീകരിക്കും. 

മറ്റു പ്രധാന പ്രഖ്യാപനങ്ങൾ

● കാംകോയുടെ പുനരുജ്ജീവനത്തിനായി 1 കോടി രൂപ.

● സ്റ്റേറ്റ് ഹോർട്ടികൾച്ചർ മിഷൻ മാനേജ്മെന്റ് പദ്ധതിക്ക് 1 കോടി രൂപ അധികമായി അനുവദിച്ചു.

● കോഴിക്കോട് വിമാനത്താവളത്തിലേക്ക് കുളത്തൂർ ജംഗ്ഷനിൽ നിന്നും എയർപോർട്ടിലേക്ക് എത്തിച്ചേരുന്ന റോഡ് നവീകരിക്കും.

● ഭൂമി ഉൾപ്പെടെയുള്ള ആസ്തി വിവരങ്ങൾക്കായി ഡിജിറ്റൽ പ്രോപ്പർട്ടി കാർഡ് പദ്ധതിക്ക് 2 കോടി രൂപ.

● പട്ടയ മിഷന് 2 കോടി രൂപ അധികമായി അനുവദിച്ചു.

● ഡിജിറ്റൽ സർവ്വേയുടെ ദേശീയ സമ്മേളനം തിരുവനന്തപുരത്ത് സംഘടിപ്പിക്കാൻ 25 ലക്ഷം രൂപ.

● റവന്യൂ വകുപ്പിന്റെ ഡിജിറ്റൽ സേവനങ്ങൾക്കായി സാക്ഷരതാ ക്യാമ്പയിന് 1 കോടി രൂപ.

● തൃത്താലയിലെ ആയുർവേദ പാർക്കിന് 2 കോടി രൂപ.

● ബാലരാമപുരം മുതൽ കളിയിക്കാവിള വരെയുള്ള ദേശീയപാത വികസനം കിഫ്ബി വഴി പൂർത്തിയാക്കും.

● ഇരിക്കൂറിലെ പാലക്കടം തട്ടിന്റെ അടിസ്ഥാന സൗകര്യ വികസനത്തിന് 1 കോടി രൂപ.

● കളമശ്ശേരി, കരുമാളൂർ പഞ്ചായത്തുകളെ ബന്ധിപ്പിച്ച് പെരിയാറിന് കുറുകെ പാലം നിർമ്മിക്കും.

● കയർ, കശുവണ്ടി, കൈത്തറി മേഖലകളെക്കുറിച്ച് പഠിക്കാൻ നിയോഗിച്ച വിദഗ്ദ്ധ സമിതിയുടെ ശിപാർശകൾ നടപ്പിലാക്കും.

● കോട്ടയ്ക്കൽ ആയുർവേദ കോളേജ് വികസനം കിഫ്ബിയിൽ ഉൾപ്പെടുത്തി വേഗത്തിൽ പൂർത്തിയാക്കും.

● ജിഎസ്ടി വകുപ്പിൽ ഫേസ് ലെസ് അഡ്ജൂഡിക്കേഷൻ സംവിധാനം നടപ്പിലാക്കാൻ 3 കോടി രൂപ.

● നിരീക്ഷ സ്ത്രീ നാടകവേദിക്ക് 5 ലക്ഷം രൂപ.

● കുറ്റ്യാടിയിലെ ടൂറിസം സാധ്യതകൾ വികസിപ്പിക്കാൻ 2 കോടി രൂപ.

● വാമനപുരത്തെ സാംസ്കാരിക സഹകരണ സംഘത്തിന് 10 ലക്ഷം രൂപ.

● കോഴിക്കോട് വെസ്റ്റ് ഹിൽ ഹട്ട് റോഡ് പുലിമുട്ട് നിർമ്മാണത്തിന് നടപടി സ്വീകരിക്കും.

● അതിരപ്പിള്ളി ടൂറിസം പദ്ധതിക്ക് 2 കോടി രൂപ.

● കേരള സ്റ്റേറ്റ് ബുക്ക് മാർക്കിന്റെ ബുക്ക് കഫേയ്ക്ക് 20 ലക്ഷം രൂപ.

● കട്ടപ്പനയിൽ റിംഗ് റോഡ് നിർമ്മാണത്തിന് 5 കോടി രൂപ.

● തോട്ടം മേഖലയിലെ പാർപ്പിട പ്രശ്നം പരിഹരിക്കാൻ 10 കോടി രൂപ.

● തലശ്ശേരി താലൂക്ക് ആശുപത്രി മാറ്റുന്നതിനുള്ള നടപടികൾ വേഗത്തിലാക്കും.

● തലശ്ശേരി ഹെറിറ്റേജ് ടൗൺ സൗന്ദര്യവൽക്കരണത്തിന് 1 കോടി രൂപ.

ഈ വാർത്ത പങ്കുവെയ്ക്കാനും, നിങ്ങളുടെ അഭിപ്രായങ്ങൾ താഴെ കമന്റിൽ എഴുതാനും മറക്കരുത്.

Finance Minister K N Balagopal announces multiple new initiatives during the budget discussion, including development plans and funding for various sectors.

#KeralaBudget #KNBalagopal #FinanceMinister #NewInitiatives #KeralaDevelopment #BudgetAnnouncements