'കേരള സ്റ്റോറി-2' പ്രദർശനത്തിനെതിരെ ഡി വൈ എഫ് ഐ പ്രതിഷേധം; കണ്ണൂരിൽ തിയേറ്ററിലേക്ക് മാർച്ച്

കണ്ണൂർ: (KVARTHA) വിവാദ സിനിമ കേരള സ്റ്റോറി-2 പ്രദർശിപ്പിക്കുന്നതിനെതിരെ കണ്ണൂർ ലിബർട്ടി തിയറ്ററിൽ ഡി.വൈ.എഫ്.ഐ. പ്രതിഷേധം. സംസ്ഥാന സെക്രട്ടറി വി.കെ. സനോജിന്റെ നേതൃത്വത്തിലായിരുന്നു പ്രതിഷേധ മാർച്ച്. 

കേരളത്തെ അപമാനിക്കുന്ന സിനിമ മലയാളികൾ തള്ളിക്കളയുമെന്ന് അദ്ദേഹം പറഞ്ഞു. ആർ.എസ്.എസ്. ആശയങ്ങളെ പുറംകാലുകൊണ്ട് ചവിട്ടി പുറത്താക്കിയ ചരിത്രമാണ് കേരളത്തിന്റേതെന്നും സനോജ് കൂട്ടിച്ചേർത്തു.

സംസ്ഥാന വ്യാപക പ്രതിഷേധം

സിനിമ പ്രദർശിപ്പിക്കുന്ന തിരുവനന്തപുരം ട്രാവൻകൂർ മാളിലും ഡി.വൈ.എഫ്.ഐ. പ്രവർത്തകർ പ്രതിഷേധം സംഘടിപ്പിച്ചു. കണ്ണൂരിലെ പ്രതിഷേധ പരിപാടിക്ക് ഡി.വൈ.എഫ്.ഐ. ജില്ലാ പ്രസിഡന്റ് മുഹമ്മദ് അഫ്‌സൽ, പി.എം. അഖിൽ, വൈഷ്ണവ് മഹേന്ദ്രൻ തുടങ്ങിയവർ നേതൃത്വം നൽകി. കേരളത്തിന്റെ മതസൗഹാർദം തകർക്കാനുള്ള നീക്കമാണ് സിനിമയ്ക്ക് പിന്നിലെന്ന് നേതാക്കൾ ആരോപിച്ചു.

കൊച്ചിയിൽ പ്രദർശനം റദ്ദാക്കി

അതേസമയം, കൊച്ചിയിൽ കേരള സ്റ്റോറി-2-ന്റെ ആദ്യ പ്രദർശനം കാണാൻ ആളില്ലാത്തതിനെത്തുടർന്ന് റദ്ദാക്കി. ചിത്രത്തിന്റെ ബുക്കിംഗ് നന്നെ കുറവായതിനാലാണ് ഷോ ക്യാൻസൽ ചെയ്തതെന്ന് തിയറ്റർ അധികൃതർ അറിയിച്ചു. സംസ്ഥാനത്തെ മറ്റ് പല കേന്ദ്രങ്ങളിലും സിനിമയ്ക്കെതിരെ പ്രതിഷേധം ശക്തമാണ്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്

Article Summary: DYFI activists protested against the screening of "The Kerala Story 2" in Kannur and Thiruvananthapuram, while shows in Kochi were cancelled due to a poor audience turnout.

#KeralaStory2 #DYFI #Protest #Kannur #Kochi #KeralaCinema #Controversy #KVARTHA