രാഷ്ട്രീയ വിശദീകരണ യോഗങ്ങളിലെ വിവാദ പ്രസംഗങ്ങൾ; കെ കെ രാഗേഷിനെതിരെ പാർട്ടിക്കുള്ളിൽ അതൃപ്തി

കണ്ണൂർ: (KVARTHA) കണ്ണൂരിലെ സിപിഎം രാഷ്ട്രീയ വിശദീകരണ സമ്മേളനങ്ങൾ പാർട്ടിക്കുളളിൽ വലിയ അഭിപ്രായ ഭിന്നതകൾക്ക് വഴിയൊരുക്കുന്നു. നേതാവായ കെ.കെ. രാഗേഷ് പയ്യന്നൂരിലെയും തളിപ്പറമ്പിലെയും വിമത എംഎൽഎ മാർക്ക് നേരെ നടത്തിയ വെല്ലുവിളികൾ ദോഷം ചെയ്തുവെന്നാണ് കണ്ണൂരിലെ മിക്ക നേതാക്കളുടെയും വിലയിരുത്തൽ. വിവാദ പ്രസംഗങ്ങൾക്ക് ശേഷം പാർട്ടിക്കുള്ളിലെ മറ്റ് നേതാക്കളാരും രാഗേഷിനെ പിന്തുണച്ച് രംഗത്തെത്തിയിട്ടില്ല.

കേന്ദ്ര കമ്മിറ്റി റിപ്പോർട്ടിന് വിരുദ്ധം

പ്രതിപക്ഷ നേതാവും പിബി അംഗവുമായ പിണറായി വിജയൻ വിശദീകരണ യോഗങ്ങളിൽ നടത്തിയ പ്രസംഗത്തിനെതിരെയും പാർട്ടിക്കുള്ളിൽ വിമർശനമുയരുന്നുണ്ട്.

‘തിരഞ്ഞെടുപ്പ് തോൽവിയെക്കുറിച്ച് കേന്ദ്ര കമ്മിറ്റി വിലയിരുത്തി വെബ്സൈറ്റിൽ പ്രസിദ്ധീകരിച്ച അവലോകന റിപ്പോർട്ടിന് എതിരാണ് പിണറായിയുടെ പ്രസംഗമെന്നാണ് ചിലർ ചൂണ്ടിക്കാണിക്കുന്നത്’. സി സി റിപ്പോർട്ട് മറികടന്നുള്ള ഇത്തരം വിശദീകരണ വാദങ്ങൾ മറ്റു നേതാക്കളാരും തന്നെ ഏറ്റുപിടിച്ചിട്ടില്ല.

നേതാക്കൾക്കിടയിൽ അതൃപ്തി പുകയുന്നു

കേന്ദ്ര-സംസ്ഥാന കമ്മിറ്റികളുടെ തീരുമാനമില്ലാതെയാണ് തളിപ്പറമ്പിലേയും പയ്യന്നൂരിലെയും തിരഞ്ഞെടുപ്പ് തോൽവിയിൽ വിശദീകരണ യോഗം ചേർന്നതെന്ന വിലയിരുത്തലും പാർട്ടിക്കുള്ളിലുണ്ട്. തെറ്റുതിരുത്തൽ ചർച്ചയ്ക്കായി കോഴിക്കോട് വിശാല യോഗം ചേരാനിരിക്കെയാണ് ഈ ഏകപക്ഷീയ വിശദീകരണം.

കണ്ണൂർ ജില്ലാ കമ്മിറ്റിയാണ് ഈ രാഷ്ട്രീയ വിശദീകരണ പൊതുയോഗങ്ങൾ തീരുമാനിച്ചത്. കണ്ണൂർ ജില്ലയിൽ തളിപ്പറമ്പ്, പയ്യന്നൂർ മണ്ഡലങ്ങളിൽ മാത്രമാണ് ഇത്തരം യോഗങ്ങൾ നടന്നത്. പയ്യന്നൂരിലും തളിപ്പറമ്പിലും തിരഞ്ഞെടുപ്പ് ചുമതല ഉണ്ടായിരുന്ന നേതാക്കൾ പോലും ഈ യോഗങ്ങളിൽ പങ്കെടുത്തില്ല. തെറ്റുതിരുത്തൽ ചർച്ചയെയും കോഴിക്കോട് ചേരുന്ന വിശാല സമിതിയെയും സ്വാധീനിക്കലാണ് യോഗങ്ങളുടെ പ്രധാന ലക്ഷ്യമെന്നാണ് വിമർശകരുടെ വാദം.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Internal rift in CPI(M) Kannur over K.K. Ragesh's remarks and Pinarayi Vijayan's speech contradicting the central committee report during political explanation meetings.

#CPIM #Kannur #KKRagesh #PinarayiVijayan #KeralaPolitics #MalayalamNews #AnjanaNews