ബിജെപിക്ക് കല്യാശ്ശേരിയിൽ തിരിച്ചടി; പ്രസിഡൻ്റും കൂട്ടരും സിപിഎമ്മിലേക്ക്

കല്യാശ്ശേരി: (KVARTHA) ബി.ജെ.പി. കല്യാശ്ശേരി മണ്ഡലം പ്രസിഡൻ്റ് സി.വി. സുമേഷ് സി.പി.എമ്മിലേക്ക്. സുമേഷ് ഉൾപ്പെടെ ബി.ജെ.പി.യുടെ 11 സജീവ പ്രവർത്തകരാണ് പാർട്ടി വിട്ട് സി.പി.എമ്മിൽ ചേരുന്നത്. 

ബി.ജെ.പി. കണ്ണൂർ നോർത്ത് ജില്ലാ പ്രസിഡൻ്റ് കെ.കെ. വിനോദ് കുമാറുമായുള്ള അഭിപ്രായവ്യത്യാസമാണ് പാർട്ടി വിടാൻ കാരണമെന്ന് സുമേഷ് പറഞ്ഞു.

സുമേഷിനൊപ്പം ബി.ജെ.പി. പ്രവർത്തകരായ ഷിഖിൽ നാഥ്, ഇ.സി. സായ്കുമാർ, വിജേഷ് നടക്കൽ, സന്ദീപ് തൃക്കോത്ത്, വി.കെ. തമ്പാൻ എന്നിവരും സി.പി.എമ്മിൽ ചേരുന്നുണ്ട്.

കടുത്ത അവഗണനയാണ് ബി.ജെ.പി.യിൽ നിന്ന് നേരിട്ടതെന്നും, താൻ നടത്തിവന്നിരുന്ന സാമൂഹിക പ്രവർത്തനങ്ങൾ ഇനിയും തുടരുമെന്നും സുമേഷ് കൂട്ടിച്ചേർത്തു.

ബി.ജെ.പി.ക്ക് കല്യാശ്ശേരിയിൽ ഈ തിരിച്ചടി നേരിടാൻ കാരണം എന്തായിരിക്കും? നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: BJP Kalyassery president and 11 workers join CPM.

#Kalyassery, #BJP, #CPM, #Politics, #Kerala, #PoliticalNews