ബിജെപി പുതിയ ദേശീയ ഭാരവാഹികളെ പ്രഖ്യാപിച്ചു; കെ സുരേന്ദ്രനും അനിൽ ആൻ്റണിയും ദേശീയ സെക്രട്ടറിമാർ, അബ്ദുല്ലക്കുട്ടി പുറത്ത്

ന്യൂഡൽഹി: (KVARTHA) ഭാരതീയ ജനതാ പാർട്ടിയുടെ പുതിയ ദേശീയ ഭാരവാഹികളെ പ്രഖ്യാപിച്ചു. ദേശീയ അധ്യക്ഷൻ നിതിൻ നബിൻ്റെ കീഴിൽ പുതിയ മുഖങ്ങളെ അണിനിരത്തി പാർട്ടി പുനഃസംഘടിപ്പിക്കുമെന്ന റിപ്പോർട്ടുകൾക്ക് പിന്നാലെയാണ് പുതിയ ഭാരവാഹിപ്പട്ടിക പുറത്തുവന്നത്. കേരളത്തിൽ നിന്നുള്ള കെ സുരേന്ദ്രനും അനിൽ ആൻ്റണിയും ദേശീയ സെക്രട്ടറിമാരായി പട്ടികയിൽ ഇടംനേടി. അതേസമയം, ദേശീയ ഉപാധ്യക്ഷനായിരുന്ന എ പി അബ്ദുല്ലക്കുട്ടി ഇത്തവണ ഭാരവാഹിപ്പട്ടികയിൽനിന്ന് പുറത്തായി.

പ്രധാന ചുമതലകൾ

സംഘടനാകാര്യ ജനറൽ സെക്രട്ടറിയായി ബിഎൽ സന്തോഷിനെ (ഡൽഹി) നിലനിർത്തിയിട്ടുണ്ട്. സ്മൃതി ഇറാനി, ബിപ്ലബ് കുമാർ, സുനിൽ ബൻസാൽ ഉൾപ്പെടെ എട്ട് ദേശീയ ജനറൽ സെക്രട്ടറിമാരും വസുന്ധര രാജെ ഉൾപ്പെടെ 13 വൈസ് പ്രസിഡന്റുമാരുമാണ് പുതിയ പട്ടികയിലുള്ളത്.

ദേശീയ ഭാരവാഹിപ്പട്ടിക

ദേശീയ ഉപാധ്യക്ഷന്മാർ: വസുന്ധര രാജെ സിന്ധ്യ (രാജസ്ഥാൻ), തീരഥ് സിംഗ് റാവത്ത് (ഉത്തരാഖണ്ഡ്), രാം മാധവ് (ഡൽഹി), ബൈജയന്ത് ജയ് പാണ്ഡ (ഒഡീഷ), ഡി പുരന്ദേശ്വരി (ആന്ധ്രാപ്രദേശ്), രേഖാ വർമ്മ (ഉത്തർപ്രദേശ്), വർഷാബെൻ നരേന്ദ്രഭായ് ദോശി (ഗുജറാത്ത്), ഡോ. ഭാരതി പ്രവിൺ പവാർ (മഹാരാഷ്ട്ര), സർദാർ മൻപ്രീത് സിംഗ് ബാദൽ (പഞ്ചാബ്), ലാൽ സിംഗ് ആര്യ (മധ്യപ്രദേശ്), പ്രൊഫ. എം നാഗരാജ (കർണാടക), പ്രൊഫ. താരീഖ് മൻസൂർ (ഉത്തർപ്രദേശ്), ഡോ. മധുചന്ദ്ര കർ (പശ്ചിമ ബംഗാൾ).

ജനറൽ സെക്രട്ടറിമാർ: വിനോദ് താവ്ഡെ (മഹാരാഷ്ട്ര), സുനിൽ ബൻസാൽ (ഡൽഹി), ബിപ്ലബ് കുമാർ ദേബ് (ത്രിപുര), സ്മൃതി ഇറാനി (ഉത്തർപ്രദേശ്), സതീഷ് പൂനിയ (രാജസ്ഥാൻ), ഗജേന്ദ്ര പട്ടേൽ (മധ്യപ്രദേശ്), ഹരീഷ് ദ്വിവേദി (ഉത്തർപ്രശ്), സഞ്ജയ് ഭാട്ടിയ (ഹരിയാന). (സംഘടനാ ചുമതലയുള്ള ജോയിന്റ് ജനറൽ സെക്രട്ടറിമാരായി ശിവപ്രകാശ് (മുംബൈ), സൗദാൻ സിംഗ് (ചണ്ഡീഗഡ്) എന്നിവരെ നിയമിച്ചു).

ദേശീയ സെക്രട്ടറിമാർ: കവിത പാട്ടീദാർ (മധ്യപ്രദേശ്), കെ സുരേന്ദ്രൻ (കേരളം), ഭോലാ സിംഗ് (ഉത്തർപ്രശ്), പ്രദീപ് വർമ്മ (ജാർഖണ്ഡ്), ജഗ്‌ദീഷ് ഈശ്വർഭായ് പട്ടേൽ (ഗുജറാത്ത്), ഡോ. സന്ദീപ് പാഠക് (ഡൽഹി), ഫാംഗോൺ കോന്യാക് (നാഗാലാൻഡ്), സംഗീത യാദവ് (ഉത്തർപ്രദേശ്), അനിൽ ആൻ്റണി (കേരളം), ഡോ. എം വെങ്കിടേഷൻ (തമിഴ്‌നാട്), മനോജ് തിഗ്ഗ (പശ്ചിമ ബംഗാൾ), സിദ്ധാർത്ഥ് ശംഭു (ബീഹാർ), ഡോ. സ്വദേശ് സിംഗ് (ഡൽഹി), മൃഗാംക ദേവ് ബർമൻ (അസം), രോഹൻ ഗുപ്‌ത (ഗുജറാത്ത്), ജയ് പ്രകാശ് (ഡൽഹി).

മറ്റ് പ്രധാന ഭാരവാഹികൾ

ട്രഷററായി പിയൂഷ് ഗോയലിനെയും (മഹാരാഷ്ട്ര) ജോയിന്റ് ട്രഷററായി രാജേഷ് മംഗളിനെയും (രാജസ്ഥാൻ) തിരഞ്ഞെടുത്തു. ഓഫീസ് ഇൻ-ചാർജ് ആയി തരുൺ ചുഗും (പഞ്ചാബ്), ഓഫീസ് സെക്രട്ടറിയായി മഹേന്ദ്ര പാണ്ഡെയും (ഉത്തരാഖണ്ഡ്) പ്രവർത്തിക്കും. നോർത്ത്-ഈസ്റ്റ് കോഓർഡിനേറ്ററായി ഡോ. സംബിത് പത്രയെയും (ഒഡീഷ) ജോയിന്റ് കോഓർഡിനേറ്ററായി രാജീവ് ബബ്ബാറിനെയും (ഡൽഹി) നിയമിച്ചു. ഓൾ സെൽസ് കോഓർഡിനേറ്റർ ചുമതല വിഷ്ണു ദത്ത് ശർമ്മയ്ക്കും (മധ്യപ്രദേശ്), ജോയിന്റ് കോഓർഡിനേറ്റർമാരുടെ ചുമതല ഋതുരാജ് സിൻഹ (ബീഹാർ), വിഷ്ണു വർദ്ധൻ റെഡ്ഡി (ആന്ധ്രാപ്രദേശ്) എന്നിവർക്കുമാണ് നൽകിയിരിക്കുന്നത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: BJP announces new national office bearers with K Surendran and Anil Antony as secretaries.

#Kvartha #BJPIndia #BJPKerala #KSurendran #AnilAntony #NitinNabin #NationalOfficeBearers #MalayalamNews #AmmuNews