കണ്ണൂർ കേളകത്ത് പിക്കപ്പ് ജീപ്പും ബൈക്കും കൂട്ടിയിടിച്ച് യുവാവിന് ദാരുണാന്ത്യം; സഹയാത്രികന് പരിക്ക്

കണ്ണൂർ: (KVARTHA) ജില്ലയുടെ മലയോര പ്രദേശമായ കേളകത്ത് പിക്കപ്പ് ജീപ്പും ബൈക്കും കൂട്ടിയിടിച്ച് ഗുരുതരമായി പരുക്കേറ്റ് ചികിത്സയിലായിരുന്ന യുവാവ് മരിച്ചു. കൊട്ടിയൂർ കണ്ടപ്പുനം സ്വദേശി പുളിഞ്ചോട്ടിൽ അരുൺ (22) ആണ് മരിച്ചത്.

വ്യാഴാഴ്ച രാത്രി 9.30-ഓടെ കേളകം വില്ലേജ് ഓഫീസിന് സമീപമായിരുന്നു അപകടം. കന്നുകാലികളെ കയറ്റി വന്ന പിക്കപ്പ് ജീപ്പ് അരുൺ സഞ്ചരിച്ച ബൈക്കുമായി കൂട്ടിയിടിക്കുകയായിരുന്നു. 

ഇടിയുടെ ആഘാതത്തിൽ ഗുരുതരമായി പരുക്കേറ്റ അരുണിനെ ഉടൻ തന്നെ നാട്ടുകാർ ചേർന്ന് സ്വകാര്യ ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരണമടയുകയായിരുന്നു. ബൈക്കിലെ സഹയാത്രികനായ പാമ്പറപ്പാൻ സ്വദേശി സുനിലിനും അപകടത്തിൽ പരിക്കേറ്റു.

ഈ വാർത്ത ഷെയർ ചെയ്യൂ. 

Article Summary: A 22-year-old youth named Arun from Kottiyoor died after his bike collided with a pickup jeep carrying cattle near Kelakam Village Office in Kannur. The pillion rider sustained injuries.

#Kannur #Kelakam #Accident #RoadSafety #Kottiyoor #News #Kerala