കണ്ണൂർ: (KVARTHA) കേളകം മണത്തണ മലയാമ്പടിയിൽ ഓട്ടോറിക്ഷ നിയന്ത്രണം വിട്ട് താഴ്ചയിലേക്ക് മറിഞ്ഞ് വീട്ടമ്മ മരിച്ചു. ഈ ദാരുണ സംഭവത്തിൽ അഞ്ചുപേർക്ക് പരിക്കേറ്റു. ചൊവ്വാഴ്ച വൈകുന്നേരം മൂന്നരയോടെ ഏലപ്പീടിക മലയാമ്പടി റോഡിലാണ് അപകടം സംഭവിച്ചത്.

ഏലപ്പീടികയിലെ ഒരു മരണവീട്ടിൽ സന്ദർശനം കഴിഞ്ഞ് മടങ്ങിവരുമ്പോളാണ് അപകടം നടന്നത്. കുത്തനെയുള്ള ഇറക്കം ഇറങ്ങുന്നതിനിടെ ഓട്ടോറിക്ഷയുടെ ബ്രേക്ക് നഷ്ടപ്പെടുകയും വാഹനം ഏകദേശം 50 അടിയോളം താഴ്ചയിലേക്ക് മറിയുകയുമായിരുന്നു. അപകടത്തിൽ ഗുരുതരമായി പരിക്കേറ്റ ഓടംതോട് സ്വദേശിനി പുഷ്പ (56) യെ ഉടൻതന്നെ കണ്ണൂരിലെ ആശുപത്രിയിലേക്ക് കൊണ്ടുപോകും വഴി മരണപ്പെട്ടു.

ഇവരെ കൂടാതെ ഓട്ടോറിക്ഷ ഡ്രൈവർ ചോലക്കൽ ഷൈജു, യാത്രക്കാരായ ചെറുപറമ്പിൽ ടീന, ലെയറ, ഷാൻ്റി, റിനി എന്നിവർക്കും പരിക്കേറ്റു. പരിക്കേറ്റവരെ ആദ്യം ചുങ്കക്കുന്ന് സെൻ്റ് കമില്ലസ് ആശുപത്രിയിൽ പ്രാഥമിക ചികിത്സ നൽകിയ ശേഷം കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിൽ ഓട്ടോറിക്ഷ പൂർണ്ണമായും തകർന്നു.

A woman died and five others were injured when the auto rickshaw they were traveling in lost control and fell into a ravine in Malayambadi, near Kelakam in Kannur. The accident occurred around 3:30 PM on Tuesday as they were returning from a funeral. The deceased, Pushpa (56), succumbed to her injuries while being taken to the hospital. The injured are receiving treatment in a private hospital in Kannur.

#AutoAccident #Kerala #Kannur #FatalAccident #RoadSafety #TragicNews