സാമൂഹിക-രാഷ്ട്രീയ രംഗങ്ങളിലെ നിറസാന്നിധ്യം; പയ്യാവൂരിന്റെ പ്രഥമ പഞ്ചായത്ത് പ്രസിഡന്റ് ടി എം സേവ്യർ ഓർമയായി

പയ്യാവൂർ: (KVARTHA) മുതിർന്ന കോൺഗ്രസ് നേതാവും പയ്യാവൂർ ഗ്രാമപഞ്ചായത്തിന്റെ ആദ്യ പ്രസിഡന്റുമായിരുന്ന റിട്ട. അധ്യാപകൻ പൈസക്കരി തുടിയൻപ്ലാക്കൽ ടി.എം. സേവ്യർ (94) നിര്യാതനായി. സാമൂഹിക, സാംസ്കാരിക, വിദ്യാഭ്യാസ രംഗങ്ങളിൽ മികച്ച സംഭാവനകൾ നൽകിയ വ്യക്തിത്വമായിരുന്നു അദ്ദേഹം.

അധ്യാപനവും സംഘടനാ പ്രവർത്തനവും

ദീർഘകാലം പൈസക്കരി സെന്റ് മേരീസ്‌ യു.പി. സ്കൂളിൽ അധ്യാപകനും തുടർന്ന് ചന്ദനക്കാംപാറ ചെറുപുഷ്പം യു.പി. സ്കൂളിൽ മുഖ്യാധ്യാപകനുമായിരുന്നു. കോൺഗ്രസ് പയ്യാവൂർ മണ്ഡലം പ്രസിഡന്റ്, ജില്ലാ കമ്മിറ്റി അംഗം എന്നീ ചുമതലകളും അദ്ദേഹം വഹിച്ചിരുന്നു.

മറ്റു പ്രധാന ചുമതലകൾ:

പഴശ്ശി റബേഴ്സ് ഡയറക്ടർ ബോർഡ്‌ അംഗം, പൈസക്കരി ക്ഷീരോൽപ്പാദക സഹകരണ സംഘം സ്ഥാപക പ്രസിഡന്റ്‌, പൈസക്കരി റബർ കർഷക സംഘം പ്രസിഡന്റ്‌, കേരള സീനിയർ സിറ്റിസൺ ഫോറം ഇരിക്കൂർ ബ്ലോക്ക്‌ പ്രസിഡന്റ്, പയ്യാവൂർ ഐക്യനാണയ സംഘം സ്ഥാപകാംഗം എന്നീ നിലകളിലും അദ്ദേഹം സജീവമായി പ്രവർത്തിച്ചിരുന്നു. നാടിന്റെ വികസന പ്രവർത്തനങ്ങളിൽ മുൻപന്തിയിലുണ്ടായിരുന്ന അദ്ദേഹത്തിന്റെ സേവനങ്ങൾ എന്നും സ്മരിക്കപ്പെടും.

കുടുംബവിവരങ്ങൾ

ഭാര്യ: പരേതയായ മേരി (ചെമ്പേരി കടുവാതൂക്കിൽ കുടുംബാംഗം). മക്കൾ: മാത്യു ടി. സേവ്യർ (തങ്കച്ചൻ, തിരുവനന്തപുരം), ലിസമ്മ (പേരാവൂർ), മോളി (ദുബായ്), ജെസി (റിട്ട. അധ്യാപിക, വയത്തൂർ യു.പി. സ്കൂൾ, ഉളിക്കൽ), സുജ (റിട്ട. അധ്യാപിക, ചെറുപുഷ്പം സ്കൂൾ, ചന്ദനക്കാംപാറ), ജോസ് ടി. സേവ്യർ (എൽ.ഐ.സി. ഡെവലപ്പ്മെന്റ് ഓഫീസർ, കോഴിക്കോട്), ഡോ. റോയ് സേവ്യർ (പ്രൊഫസർ, സെന്റ് ജോസഫ്സ് കോളജ്, പിലാത്തറ), അഡ്വ. സാജു സേവ്യർ (പയ്യാവൂർ ഗ്രാമപഞ്ചായത്ത് മുൻ പ്രസിഡന്റ്‌), ബിജി (മണക്കടവ്)

മരുമക്കൾ: പുഷ്പമ്മ പതാലിൽ (ചെറുപുഴ), ജോയ് തുരുത്തിപ്പള്ളിൽ (പേരാവൂർ), ജോളി എണ്ണമ്പ്രായിൽ (റിട്ട. അധ്യാപകൻ, സെന്റ് തോമസ് ഹൈസ്കൂൾ, മണിക്കടവ്), ജോർജ് മാരിപ്പുറത്ത് (റിട്ട. മുഖ്യാധ്യാപകൻ, സെന്റ് അഗസ്റ്റിൻസ് ഹൈസ്കൂൾ, നെല്ലിക്കുറ്റി), ലീന (എൽ.ഐ.സി., കോഴിക്കോട്), സോണിയ കുളത്തറ (ചുണ്ടക്കുന്ന്), മിനി കടൂക്കുന്നേൽ (ചെമ്പേരി), ആന്റണി രാമനാട്ട് (മണക്കടവ്), പരേതനായ തങ്കച്ചൻ കപ്പലുമാക്കൽ (കൂട്ടുപുഴ).

പൊതുദർശനവും സംസ്കാരവും

വെള്ളിയാഴ്ച രാവിലെ 9.30 മുതൽ 10.30 വരെ പയ്യാവൂർ പഞ്ചായത്ത്‌ ഓഫീസ് പരിസരത്തും തുടർന്ന് 11 മണി മുതൽ ശനിയാഴ്ച രാവിലെ 10 വരെ സ്വഭവനത്തിലും മൃതദേഹം പൊതുദർശനത്തിന് വെക്കും. സംസ്കാരം ശനിയാഴ്ച രാവിലെ 10 മണിക്ക് പൈസക്കരി ദേവമാതാ ഫൊറോന പള്ളി സെമിത്തേരിയിൽ നടക്കും.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക് പേജും ഫോളോ ചെയ്യുക. 

Article Summary: First Payyavoor Panchayat president T.M. Xavier passes away at 94.

#Payyavoor #KannurNews #Obituary #TMXavier #CongressLeader #KeralaNews #Tribute #AnjanaNews