Megha Thakur | കനേഡിയന്‍ ടിക് ടോക് താരം മേഘ താകൂര്‍ അന്തരിച്ചു; അപ്രതീക്ഷിത മരണം 21-ാം വയസില്‍; ആരാധകരെ അറിയിച്ചത് മാതാപിതാക്കള്‍

 


ന്യൂഡെല്‍ഹി: (www.kvartha.com) കനേഡിയന്‍ ടിക് ടോക് താരം മേഘ താകൂര്‍ അന്തരിച്ചു. രക്ഷിതാക്കളാണ് 21 കാരിയുടെ അപ്രതീക്ഷിത മരണ വാര്‍ത്ത പുറത്തു വിട്ടത്. കാനഡയില്‍ വെച്ചായിരുന്നു അന്ത്യം. മേഘയുടെ ഇന്‍സ്റ്റഗ്രാം പ്രൊഫൈലില്‍ നിന്നുള്ള പോസ്റ്റിലൂടെയാണ് രക്ഷിതാക്കള്‍ മരണ വാര്‍ത്ത പുറത്തുവിട്ടിരിക്കുന്നത്.

'അഗാധമായ ദുഃഖത്തോടെയാണ് ഞങ്ങള്‍ വാര്‍ത്ത പുറത്തുവിടുന്നത്. ഞങ്ങളുടെ ജീവിതത്തിന്റെ വെളിച്ചമായ, ദയയുള്ള, ഞങ്ങളെ നന്നായി നോക്കുന്ന മകള്‍ മേഘ താകൂര്‍, പെട്ടെന്ന് അപ്രതീക്ഷിതമായി നവംബര്‍ 24ന് പുലര്‍ചെ മരണപ്പെട്ടു.' എന്നാണ് രക്ഷിതാക്കള്‍ മേഘയുടെ ഇന്‍സ്റ്റഗ്രാം പോസ്റ്റില്‍ കുറിച്ചത്.

Megha Thakur | കനേഡിയന്‍ ടിക് ടോക് താരം മേഘ താകൂര്‍ അന്തരിച്ചു; അപ്രതീക്ഷിത മരണം 21-ാം വയസില്‍; ആരാധകരെ അറിയിച്ചത് മാതാപിതാക്കള്‍

മേഘ ആത്മവിശ്വാസമുള്ള സ്വയം പര്യാപ്തയായ പെണ്‍കുട്ടിയായിരുന്നുവെന്നും അവളുടെ അഭാവം ഞങ്ങളെ വല്ലാതെ വേദനിപ്പിക്കുന്നുവെന്നും അവള്‍ ആരാധകരെ സ്‌നേഹിച്ചിരുന്നുവെന്നും മരണ വിവരം നിങ്ങളെ അറിയിക്കണമെന്ന് അവള്‍ ആഗ്രഹിച്ചിരുന്നുവെന്നും, ഈ സമയം, മേഘക്ക് നിങ്ങളുടെ പ്രാര്‍ഥന വേണമെന്നും മാതാപിതാക്കള്‍ കുറിച്ചു.

9,30,000 ഓളം ഫോളോവേഴ്‌സാണ് മേഘക്ക് ടിക് ടോകിലുണ്ടായിരുന്നത്. നിരവധി നൃത്ത വീഡിയോകള്‍ നിരന്തരം പങ്കുവെച്ചിരുന്നു.

Keywords: TikTok star Megha Thakur passes away at 21 in Canada, New Delhi, News, Dead, Obituary, Social Media, Parents, National.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia