ഝാർഖണ്ഡ് രാഷ്ട്രീയത്തിലെ അതികായൻ ഷിബു സോറൻ അന്തരിച്ചു

റാഞ്ചി: (KVARTHA) ഝാർഖണ്ഡ് മുൻ മുഖ്യമന്ത്രി ഷിബു സോറൻ അന്തരിച്ചു. ഡൽഹിയിലെ ശ്രീ ഗംഗാറാം ആശുപത്രിയിൽ ചികിത്സയിലിരിക്കെയാണ് 81 വയസ്സുകാരനായ ഷിബു സോറൻ അന്തരിച്ചത്. ഏറെ നാളായി അസുഖബാധിതനായിരുന്ന അദ്ദേഹം, വൃക്ക സംബന്ധമായ അസുഖങ്ങളെ തുടർന്ന് ജൂൺ അവസാനവാരമാണ് ആശുപത്രിയിൽ പ്രവേശിപ്പിക്കപ്പെട്ടത്.

ഝാർഖണ്ഡ് മുക്തി മോർച്ച (ജെഎംഎം) സ്ഥാപക നേതാക്കളിൽ ഒരാളും പാർട്ടിയുടെ രക്ഷാധികാരിയുമായിരുന്ന ഷിബു സോറൻ, കഴിഞ്ഞ 38 വർഷത്തോളം ജെഎംഎമ്മിനെ നയിച്ചു. നിലവിലെ ഝാർഖണ്ഡ് മുഖ്യമന്ത്രി ഹേമന്ത് സോറന്റെ പിതാവാണ്. 

മകൻ ഹേമന്ത് സോറനാണ് പിതാവിൻ്റെ മരണവിവരം എക്സിലൂടെ അറിയിച്ചത്. ‘ആദരണീയനായ ഗുരുജി നമ്മളെയെല്ലാം വിട്ടുപോയി. ഇന്ന് ഞാൻ ശൂന്യനായിരിക്കുന്നു,’ ഹേമന്ത് സോറൻ കുറിച്ചു.

ഝാർഖണ്ഡിൻ്റെ മൂന്ന് തവണ മുഖ്യമന്ത്രിയായി സേവനമനുഷ്ഠിച്ച ഷിബു സോറൻ, നിലവിൽ ഝാർഖണ്ഡിൽ നിന്നുള്ള രാജ്യസഭാംഗമായിരുന്നു. എട്ട് തവണ ലോക്സഭാ അംഗമായും അദ്ദേഹം തിരഞ്ഞെടുക്കപ്പെട്ടിട്ടുണ്ട്. 2004-ൽ മൻമോഹൻ സിംഗ് മന്ത്രിസഭയിൽ കേന്ദ്രമന്ത്രിയായും അദ്ദേഹം പ്രവർത്തിച്ചിട്ടുണ്ട്.

ഷിബു സോറൻ്റെ സംഭാവനകളെക്കുറിച്ച് നിങ്ങൾക്ക് എന്ത് പറയാനുണ്ട്? നിങ്ങളുടെ അഭിപ്രായങ്ങൾ പങ്കുവെക്കുക.  

Article Summary: Jharkhand's political leader Shibu Soren dies at 81.

#ShibuSoren #Jharkhand #JMM #HemantSoren #IndianPolitics #Obituary