റിയാദ്: (KVARTHA) സൗദി അറേബ്യയിലെ അൽ അഹ്‌സ ഫദീല റോഡിൽ ഉണ്ടായ വാഹനാപകടത്തിൽ മലയാളി യുവാവ് ദാരുണമായി മരിച്ചു. കായംകുളം ചേരാവള്ളി സെറീന മൻസിലിൽ അലിയാർ കുഞ്ഞ്, ആമിന അലിയാർ ദമ്പതികളുടെ മകൻ ആഷിഖ് അലി (28) ആണ് മരിച്ചത്. അപകടത്തിൽ ഒരു സൗദി പൗരനും മരിച്ചിട്ടുണ്ട്.

കഴിഞ്ഞ ദിവസം ഉച്ചയ്ക്ക് ശേഷമാണ് അപകടം നടന്നത്. ട്രാൻസ്പോർട്ടേഷൻ കമ്പനി ജീവനക്കാരനായിരുന്ന ആഷിഖ് അലി ജോലി കഴിഞ്ഞ് ബംഗ്ലാദേശി തൊഴിലാളികളുമായി തിരിച്ചുപോകുമ്പോഴാണ് അപകടം സംഭവിച്ചത്.

ആഷിഖ് അലി ഓടിച്ചിരുന്ന ഫോർച്യൂണർ കാറിൽ സൗദി പൗരൻ ഓടിച്ചിരുന്ന മറ്റൊരു വാഹനം ഇടിക്കുകയായിരുന്നു. ഈ അപകടത്തിൽ ആഷിഖ് അലി തൽക്ഷണം മരിച്ചു. എതിർ ദിശയിൽ നിന്നും വന്ന വാഹനം ഓടിച്ച 53 കാരനായ സൗദി പൗരൻ ആശുപത്രിയിൽ വെച്ചാണ് മരിച്ചത്.

ഇരുവരുടെയും മൃതദേഹം കിംഗ് ഫഹദ് ആശുപത്രിയിലെ മോർച്ചറിയിലേക്ക് മാറ്റിയിരിക്കുകയാണ്. ആഷിഖിനോടൊപ്പം വാഹനത്തിൽ ഉണ്ടായിരുന്ന രണ്ട് ബംഗ്ലാദേശ് സ്വദേശികൾക്ക് ഈ അപകടത്തിൽ പരിക്കേറ്റിട്ടുണ്ട്. ഇതിൽ ഒരാളുടെ നില അതീവ ഗുരുതരമാണ്. ഹാഷ്മിയാണ് ആഷിഖ് അലിയുടെ ഭാര്യ. ആഷ്‌നിയും അൽ ഹസയിൽ ഉണ്ട്. ഡോ. അഹ്‌ന അലിയാണ് ഏക സഹോദരി. നടപടിക്രമങ്ങൾ പൂർത്തിയാക്കിയ ശേഷം ആഷിഖ് അലിയുടെ മൃതദേഹം നാട്ടിലേക്ക് കൊണ്ടുപോകും.

A tragic road accident in Saudi Arabia claimed the lives of a Malayali youth and a Saudi national. The Malayali, Ashiq Ali, was from Kayamkulam.

 #SaudiAccident, #MalayaliYouth, #Death, #Accident, #KeralaNews, #AshiqAli