സമസ്ത കേന്ദ്ര മുശാവറ അംഗം കെ കെ പി അബ്ദുല്ല മുസ്‌ലിയാർ പാലത്തുങ്കര നിര്യാതനായി

കണ്ണൂർ: (KVARTHA) സമസ്ത കേരള ജംഇയ്യത്തുൽ ഉലമ (ഇ കെ വിഭാഗം) കേന്ദ്ര മുശാവറ അംഗവും കണ്ണൂർ ജില്ലാ ട്രഷററുമായ കെ കെ പി അബ്ദുല്ല മുസ്‌ലിയാർ (77) നിര്യാതനായി. പാലത്തുങ്കരയിലെ വസതിയിൽ വെച്ചായിരുന്നു അന്ത്യം.

അൽഹാജ് റമളാൻ ശൈഖിന്റെയും പാലത്തുങ്കര ശാഹുൽ ഹമീദ് വലിയുല്ലാഹിയുടെ മകൾ ആയിശയുടെയും മകനായാണ് അദ്ദേഹം ജനിച്ചത്.

സമസ്ത കണ്ണൂർ താലൂക്ക് പ്രസിഡന്റ്, ജാമിഅ അസ്അദിയ്യ വൈസ് പ്രസിഡന്റ്, കണ്ണൂർ ഇസ്‌ലാമിക് സെന്റർ വൈസ് പ്രസിഡന്റ്, കണ്ണൂർ ജില്ലാ സംയുക്ത മുസ്‌ലിം ജമാഅത്ത് വൈസ് പ്രസിഡന്റ്, പാലത്തുങ്കര മഹല്ല് പ്രസിഡന്റ് എന്നീ സ്ഥാനങ്ങൾ വഹിച്ചുവരികയായിരുന്നു.

പാനൂർ വിളക്കോട്ടൂർ ജുമുഅത്ത് പള്ളി, പുതുശ്ശേരി ജുമുഅത്ത് പള്ളി, മാവിലേരി ജുമുഅത്ത് പള്ളി, പുളിങ്ങോം ജുമുഅത്ത് പള്ളി എന്നിവിടങ്ങളിൽ ദീർഘകാലം ദർസ് നടത്തിയിട്ടുണ്ട്. പാപ്പിനിശ്ശേരി ജാമിഅ അസ്അദിയ്യ അറബിക് കോളജ് വൈസ് പ്രിൻസിപ്പലായും അദ്ദേഹം സേവനമനുഷ്ഠിച്ചു.

ഖബറടക്കം ബുധനാഴ്ച, ഉച്ചയോടെ പാലത്തുങ്കര ജുമാമസ്ജിദ് ഖബർസ്ഥാനിൽ നടന്നു.

Article Summary: Samastha Musyawara member KKP Abdulla Musliyar passed away in Kannur.

#SamasthaKerala #KKPAbdullaMusliyar #KannurNews #KeralaMuslim #IslamicScholar #Condolence