'ഗോഡ്ഫാദർ' താരം റോബർട്ട് ഡുവാൾ അന്തരിച്ചു; വിടവാങ്ങിയത് ഹോളിവുഡ് ഇതിഹാസം

ലോസ് ഏഞ്ചൽസ്: (KVARTHA) പ്രശസ്‌ത ഹോളിവുഡ് നടനും സംവിധായകനുമായ റോബർട്ട് ഡുവാൾ (95) അന്തരിച്ചു. ഞായറാഴ്‌ച സ്വവസതിയിൽ വെച്ചായിരുന്നു അന്ത്യം. ഭാര്യ ലൂസിയാന ഡുവാൾ മരണം സ്ഥിരികരിച്ചു. 'ഗോഡ്ഫാദർ', 'അപ്പോക്കലിപ്‌സ് നൗ' തുടങ്ങിയ വിഖ്യാത ചിത്രങ്ങളിലൂടെ ലോകമെമ്പാടുമുള്ള ചലച്ചിത്ര പ്രേമികളുടെ മനസിൽ ഇടംപിടിച്ച അമേരിക്കൻ നടനാണ് റോബർട്ട് ഡുവാൾ.

ആറ് പതിറ്റാണ്ട് നീണ്ട കരിയർ

ആറ് പതിറ്റാണ്ടിലേറെ നീണ്ടുനിന്ന അഭിനയ ജീവിതത്തിൽ നായകനായും സഹനടനായും സംവിധായകനായും അദ്ദേഹം തിളങ്ങി. 1983-ൽ 'ടെൻഡർ മെഴ്‌സി' എന്ന ചിത്രത്തിലെ അഭിനയത്തിന് മികച്ച നടനുള്ള ഓസ്കാർ ലഭിച്ചു. ഇതിനുപുറമെ ആറ് തവണ ഓസ്‌കാർ നാമനിർദ്ദേശം ചെയ്യപ്പെടുകയും ചെയ്തു.

അവിസ്മരണീയ വേഷങ്ങൾ

മാഫിയാ അഭിഭാഷകനായ (കൺസിഗ്ലിയർ) ടോം ഹേഗൻ എന്ന കഥാപാത്രത്തെയാണ് 'ഗോഡ്‌ഫാദറി'ൽ റോബർട്ട് അവതരിപ്പിച്ചത്. 'അപ്പോക്കലിപ്സ‌് നൗ'വിൽ ലെഫ്റ്റനൻ്റ് കേണൽ വില്യം കിൽഗോർ എന്ന കഥാപാത്രത്തെയും അനശ്വരമാക്കി. 31-ാം വയസിൽ 'ടു കിൽ എ മോക്കിംഗ്‌ബേർഡ്' എന്ന ചിത്രത്തിലെ ബു റാഡ്‌ലി എന്ന കഥാപാത്രത്തിലുടെയാണ് സിനിമയിൽ അരങ്ങേറ്റം കുറിച്ചത്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. 

Article Summary: Hollywood icon and Oscar winner Robert Duvall, known for roles in The Godfather and Apocalypse Now, passed away at 95 on February 15, 2026.

#RobertDuvall #HollywoodLegend #TheGodfather #Apocalypse Now #OscarWinner #Cinema #InMemoriam #KVARTHA