പൈതൽമലയിലെ റിസോർട്ടിൽ കെയർടേക്കറെ മരിച്ച നിലയിൽ കണ്ടെത്തി

കണ്ണൂർ: (KVARTHA) പൈതൽമലയിലെ റിസോർട്ട് കെയർടേക്കറെ മരിച്ച നിലയിൽ കണ്ടെത്തി. ചെറുതാഴം അടുത്തില വയലപ്ര സ്വദേശി മുണ്ടയാടൻ മനോജിനെ (53) ആണ് മരിച്ച നിലയിൽ കണ്ടെത്തിയത്. വ്യാഴാഴ്ച രാത്രി ഏഴ് മണിയോടെ റിസോർട്ടിലെ സ്റ്റാഫ് റൂമിൽ ജനാലയുടെ കമ്പിയിൽ തൂങ്ങിയ നിലയിലാണ് മൃതദേഹം കണ്ടത്. കുടിയാൻമല പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി അസ്വാഭാവിക മരണത്തിന് കേസെടുത്തു.

പ്രവാസിയായിരുന്നു, തുടർന്ന് ഡ്രൈവർ

കഴിഞ്ഞ രണ്ട് വർഷമായി പൈതൽമലയിലെ ഈ റിസോർട്ടിൽ കെയർടേക്കറായി ജോലി ചെയ്തുവരികയായിരുന്നു മനോജ്. നേരത്തെ പ്രവാസിയായിരുന്ന ഇദ്ദേഹം, തിരിച്ചെത്തിയ ശേഷം ബസ് ഡ്രൈവറായും അടുത്തിലയിൽ ഓട്ടോഡ്രൈവറായും ജോലി ചെയ്തിരുന്നു. പരേതനായ ബാലൻ-തങ്കം ദമ്പതികളുടെ മകനാണ്. ഭാര്യ ബിജി. ജിഷ്ണു, ജിത്തു എന്നിവരാണ് മക്കൾ. സഹോദരങ്ങൾ: മിനി, മീന പരേതനായ സുനിൽ.

പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും. മനോജിൻ്റെ സംസ്കാരം വെള്ളിയാഴ്ച വൈകുന്നേരം അടുത്തിലയിലെ സമുദായ ശ്മശാനത്തിൽ നടക്കും.

പ്രാദേശിക വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Caretaker found dead at a private resort in Paithalmala, Kannur.

#KannurNews #Paithalmala #Kudiyanmala #DeathReport #KeralaNews #MalayalamNews #AnjanaNews