പിലാത്തറയിൽ ബൈക്കും സ്കൂട്ടിയും കൂട്ടിയിടിച്ച് അപകടം; യുവാവ് മരിച്ചു

പിലാത്തറ: (KVARTHA) പിലാത്തറയിൽ ബൈക്കും സ്കൂട്ടിയും കൂട്ടിയിടിച്ചുണ്ടായ വാഹനാപകടത്തിൽ 19 കാരൻ മരണപ്പെട്ടു. മണിയറ സ്വദേശിയായ കെ പി അജ്നാസ് (19) ആണ് മരിച്ചത്. ബുധനാഴ്ച, വൈകുന്നേരം 6.50-ഓടെ പിലാത്തറ സ്റ്റീൽ ലൈനിന് സമീപത്തായിരുന്നു അപകടം സംഭവിച്ചത്.

പിലാത്തറ ഭാഗത്തുനിന്ന് മാതമംഗലത്തേക്ക് സ്കൂട്ടിയിൽ യാത്ര ചെയ്യുകയായിരുന്ന അജ്നാസ് എതിരെ വന്ന ബൈക്കുമായി കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ അജ്നാസിനെ പരിയാരത്തെ കണ്ണൂർ ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചുവെങ്കിലും ചികിത്സയിലിരിക്കെ മരണപ്പെട്ടു. അപകടത്തിൽ പരിക്കേറ്റ ബൈക്ക് യാത്രക്കാരൻ കണ്ടോന്താർ സ്വദേശി മോഹനൻ (54) കണ്ണൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലാണ്.

പിലാത്തറ മർവ്വ ട്രാവൽസ് ഉടമ എം കെ ഗഫൂറിൻ്റെയും കെ പി റുബൈലയുടെയും മകനാണ് മരണപ്പെട്ട അജ്നാസ്. സഹോദരങ്ങൾ: റബിയ, അഫ്നാൻ. 

അജ്നാസിൻ്റെ ഭൗതികദേഹം വ്യാഴാഴ്ച ഉച്ചയ്ക്ക് 12.30-ഓടെ പിലാത്തറ ഭാരത് റോഡിലുള്ള വീട്ടിൽ പൊതുദർശനത്തിന് വെച്ചു. തുടർന്ന് ഉച്ചയ്ക്ക് മണിയറ ജുമാ മസ്ജിദ് ഖബറിസ്ഥാനിൽ ഖബറക്കി.

പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: A 19-year-old youth died in a bike-scooter collision at Pilathara near Kannur.

#PilatharaNews #RoadAccident #Kannur #BreakingNews #Maniyara #KeralaNews