സിപിഎം സിറ്റിങ് സീറ്റ് പിടിച്ചെടുത്ത ജനപ്രതിനിധി; പെരളശേരി പഞ്ചായത്തംഗം സുരേഷ് ബാബു തണ്ടാരത്ത് നിര്യാതനായി

കണ്ണൂർ: (KVARTHA) പെരളശേരി ഗ്രാമപഞ്ചായത്ത് ആറാം വാർഡ് അംഗം സുരേഷ് ബാബു തണ്ടാരത്ത് നിര്യാതനായി. ചൊവ്വാഴ്ച രാവിലെ വീട്ടിൽ കുഴഞ്ഞുവീണതിനെത്തുടർന്ന് അഞ്ചരക്കണ്ടി മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. വൃക്കരോഗത്തിന് ഡയാലിസിസ് ചെയ്തുവരികയായിരുന്നു അദ്ദേഹം. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.

സിപിഎമ്മിന്റെ സിറ്റിങ് സീറ്റായ ബാവോഡ് ഈസ്റ്റ് വാർഡിൽ നിന്നും 12 വോട്ടിനാണ് യുഡിഎഫ് സ്ഥാനാർത്ഥിയായി മത്സരിച്ച സുരേഷ് ബാബു തണ്ടാരത്ത് വിജയിച്ചത്. കോൺഗ്രസ് പ്രവർത്തന രംഗത്ത് മികച്ച നേട്ടങ്ങൾ കൈവരിച്ച അദ്ദേഹം സാമൂഹിക, സാംസ്കാരിക മേഖലകളിൽ നിറസാന്നിധ്യമായിരുന്നു.

ജനപ്രിയ നേതാവായ അദ്ദേഹത്തിന്റെ അപ്രതീക്ഷിത വിയോഗം നാടിന് വലിയ നഷ്ടമാണ് ഉണ്ടാക്കിയിരിക്കുന്നത്. പിലാത്തി തണ്ടാരത്ത് ക്ഷേത്രം ഉത്സവ കമ്മിറ്റിയുടെ നേതൃനിരയിലും അദ്ദേഹം സജീവമായി പ്രവർത്തിച്ചിരുന്നു.

ഈ വാർത്ത ഷെയർ ചെയ്യൂ. 

Article Summary: Suresh Babu Thandarath, a member of Peralassery Grama Panchayat, passed away due to a heart attack.

#Peralassery #Kannur #SureshBabuThandarath #Congress #Obituary #KeralaNews