പാനൂരിൽ പനി ബാധിച്ച് 21-കാരിയും മരിച്ചതോടെ ആശങ്കയിൽ നാട്
ADVERTISEMENT
● മരണകാരണം മെനിഞ്ചൈറ്റിസ് ബാധയാണെന്ന് സ്ഥിരീകരണം.
● പാനൂർ മേഖലയിൽ പനി ബാധിച്ച് മരിച്ചവരുടെ എണ്ണം രണ്ടായി ഉയർന്നു.
● ദിവസങ്ങൾക്ക് മുൻപ് യുവാവും പനി ബാധിച്ച് മരിച്ചിരുന്നു.
കണ്ണൂർ: (KVARTHA) പാനൂർ മേഖലയിൽ പനി ബാധിച്ച് വീണ്ടും മരണം റിപ്പോർട്ട് ചെയ്തു. പനി മൂർച്ഛിച്ച് മെനിഞ്ചൈറ്റിസ് ബാധിച്ചതിനെ തുടർന്ന് സ്വകാര്യ ആശുപത്രിയിൽ ചികിത്സയിലായിരുന്ന യുവതിയാണ് മരിച്ചത്. ഒളവിലം രാമകൃഷ്ണ ഹൈസ്കൂളിന് സമീപത്തെ കുന്നുമ്മൽ ആദർശിൻ്റെ ഭാര്യ റിയ ലിനീഷ് (21) ആണ് മരിച്ചത്. ആലപ്പുഴ ചതുർത്യാകരി വേണാട്ടുകാട് മുപ്പതിൻചിറയിലെ ലിനീഷ് മാത്യുവിൻ്റെ മകളാണ് റിയ.
മരണസംഖ്യ രണ്ടായി
കഴിഞ്ഞ ദിവസം പാനൂരിനടുത്തുള്ള കൂറ്റേരി ശ്രീനാരായണ മഠത്തിന് സമീപം കാരോള്ളതിൽ ശ്യാം പ്രസാദ് (29) എന്ന യുവാവും പനി ബാധിച്ച് മരിച്ചിരുന്നു. ഇതിന് പിന്നാലെയാണ് ഇപ്പോൾ വീണ്ടുമൊരു മരണം കൂടി റിപ്പോർട്ട് ചെയ്തിരിക്കുന്നത്. ഇതോടെ പാനൂർ മേഖലയിൽ പനി ബാധിച്ച് മരിച്ചവരുടെ എണ്ണം രണ്ടായി ഉയർന്നു. തുടർച്ചയായുണ്ടാകുന്ന മരണങ്ങൾ പ്രദേശവാസികളിൽ ആശങ്ക പരത്തിയിട്ടുണ്ട്.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും അറിയിപ്പുകളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.
Article Summary: A 21-year-old woman, Riya Lineesha, died of meningitis following a severe fever in Panur, Kannur, raising the recent fever death toll in the area to two and causing panic among residents.
#PanurNews #FeverDeath #KannurNews #Meningitis #KeralaHealth #MalayalamNews #AmmuNews
