ഒമാനിൽ വാഹനാപകടം; കണ്ണൂർ സ്വദേശിയായ യുവാവിന് ദാരുണാന്ത്യം, മൃതദേഹം തിങ്കളാഴ്ച നാട്ടിലെത്തിക്കും

കണ്ണൂർ: (KVARTHA) ഒമാനിലെ സൂർ ഖൽഹാത്ത് മേഖലയിലുണ്ടായ വാഹനാപകടത്തിൽ കണ്ണൂർ സ്വദേശിയായ യുവാവ് മരിച്ചു. കണ്ണൂർ മോറാഴ കുമ്മനാട് മംഗാടൻതകത്ത് ഹൗസിൽ റിഷാദ് (39) ആണ് മരിച്ചത്. ദീർഘകാലമായി ഒമാനിൽ കാർഗോ കമ്പനി ജീവനക്കാരനായി ജോലി ചെയ്തുവരികയായിരുന്നു റിഷാദ്. 

കുടുംബ വിവരങ്ങൾ

അബ്ദുല്ല അസിക്കോടൻ്റകത്ത് ആണ് റിഷാദിൻ്റെ പിതാവ്. മാതാവ്: നസീമ മംഗാടൻ്റകത്ത്. സുലൈനയാണ് ഭാര്യ. ദീർഘകാലമായി പ്രവാസിയായിരുന്ന യുവാവിൻ്റെ അപ്രതീക്ഷിത വിയോഗം നാടിനെയും കുടുംബത്തെയും വലിയ കണ്ണീരിലാഴ്ത്തി.

മൃതദേഹം നാട്ടിലെത്തിക്കും

ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാനുള്ള നടപടിക്രമങ്ങൾ മസ്കത്ത് കെഎംസിസി കെയർ വിംഗിൻ്റെ നേതൃത്വത്തിൽ പുരോഗമിക്കുകയാണെന്ന് ബന്ധുക്കൾ അറിയിച്ചു. തിങ്കളാഴ്ച (ഓഗസ്റ്റ് 24) പുലർച്ചെ എത്തുന്ന വിമാനത്തിൽ കോഴിക്കോട് വിമാനത്താവളത്തിലെത്തിക്കുന്ന മൃതദേഹം സ്വദേശമായ മോറാഴയിലെത്തിച്ച് ഖബറക്കം നടത്തും.

പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Rishad (39), a native of Morazha in Kannur district, died in a road accident in the Sur Qalhat region of Oman. The repatriation of his body, coordinated by the Muscat KMCC Care Wing, is expected to arrive at the Kozhikode airport on Monday, August 24, 2026, for the burial in his hometown.

#Kvartha #OmanAccident #NRI #KannurNews #MalayaliDeath #KMCC #OmanNews #MalayalamNews #Morazha #AmmuNews