പെരുമ്പാവൂരിൽ പരസ്യ ചിത്രീകരണത്തിനെത്തിയ മോഡൽ പാറമടയിൽ മുങ്ങിമരിച്ചു; സംഭവം പ്രവേശനം നിരോധിച്ച മേഖലയിൽ

പെരുമ്പാവൂർ: (KVARTHA) പെരുമ്പാവൂരിൽ പരസ്യ ചിത്രീകരണത്തിനായി എത്തിയ മോഡലിനെ പാറമടയിലെ വെള്ളക്കെട്ടിൽ മരിച്ച നിലയിൽ കണ്ടെത്തി. ഡൽഹി അംബേദ്കർ നഗർ സ്വദേശിയായ ദിയാൻഷു ജോഷിയാണ് മരിച്ചത്. ഡൽഹി കേന്ദ്രീകരിച്ച് പ്രവർത്തിക്കുന്ന ഒരു തുണിമിലിൻ്റെ പരസ്യ ചിത്രീകരണത്തിൻ്റെ ഭാഗമായാണ് ഇദ്ദേഹം പെരുമ്പാവൂരിൽ എത്തിയത്.

പാറമടയിലെ വെള്ളക്കെട്ടിൽ നീന്താൻ ശ്രമിക്കുന്നതിനിടയിൽ അപകടത്തിൽപ്പെട്ടതാണെന്നാണ് പ്രാഥമിക നിഗമനം. മൃതദേഹം പെരുമ്പാവൂർ താലൂക്ക് ആശുപത്രിയിലെ മോർച്ചറിയിലേക്ക് മാറ്റിയിട്ടുണ്ട്. 

അപകടം നടന്ന ഈ പാറമടയിൽ ഇതിന് മുൻപും യുവാക്കൾ ഉൾപ്പെട്ട സമാനമായ മരണങ്ങൾ റിപ്പോർട്ട് ചെയ്തിട്ടുള്ളതായി നാട്ടുകാർ പറയുന്നു. അപകടങ്ങൾ തുടർക്കഥയായതിനെത്തുടർന്ന് അധികൃതർ ഈ പാറമടയിലേക്കുള്ള പ്രവേശനം പൂർണ്ണമായും നിരോധിച്ചിരുന്നു. സുരക്ഷാ മുന്നറിയിപ്പുകളും വിലക്കും നിലനിൽക്കെയാണ് വീണ്ടും ദാരുണമായ സംഭവം ഇവിടെ ഉണ്ടായിരിക്കുന്നത്.

കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: A model named Diyanshu Joshi from Delhi was found dead in a quarry in Perumbavoor while reportedly attempting to swim during an ad shoot. The quarry, which has a history of previous fatalities, had been restricted for public entry.

#Perumbavoor #DiyanshuJoshi #ModelDeath #QuarryAccident #KeralaNews #DelhiModel