കെട്ടിടത്തിൽ നിന്നും താഴേക്ക് വീണ് ചികിത്സയിലായിരുന്ന അതിഥി തൊഴിലാളി മരിച്ചു; മൃതദേഹം നാട്ടിലേക്ക് കൊണ്ടുപോയി

കണ്ണൂർ: (KVARTHA) മയ്യിൽ ടൗണിൽ വാടക കെട്ടിടത്തിൽനിന്ന് താഴേക്ക് ചാടി ഗുരുതരമായി പരിക്കേറ്റ അതിഥി തൊഴിലാളി ചികിത്സയ്ക്കിടെ മരിച്ചു. പശ്ചിമ ബംഗാൾ സ്വദേശിയായ അജിത്ത് ബർമൻ (34) ആണ് മരിച്ചത്. വ്യാഴാഴ്ച (സെപ്തംബർ 10) രാത്രി ഒമ്പത് മണിയോടെയാണ് അജിത്ത് ബർമൻ മയ്യിൽ കനറാ ബാങ്കിന് സമീപത്തെ കെട്ടിടത്തിൽനിന്ന് താഴേക്ക് ചാടിയത്.

നാട്ടിലേക്ക് മടങ്ങാനിരിക്കെ ദാരുണാന്ത്യം

കഴിഞ്ഞ കുറച്ചു ദിവസങ്ങളായി അജിത്ത് മാനസികാസ്വാസ്ഥ്യം പ്രകടിപ്പിച്ചിരുന്നതായി ഒപ്പമുള്ളവർ പറയുന്നു. ഇയാളുടെ അവസ്ഥ കണ്ട് സുഹൃത്തുക്കൾ നാട്ടിലേക്ക് പറഞ്ഞയക്കാൻ ഒരുങ്ങവെയാണ് അപ്രതീക്ഷിതമായി കെട്ടിടത്തിൽനിന്ന് താഴേക്ക് ചാടിയത്.

ഗുരുതരമായി പരിക്കേറ്റ ഇയാളെ ഉടൻ തന്നെ ജില്ലാ ആശുപത്രിയിലും തുടർന്ന് കണ്ണൂർ എ.കെ.ജി. ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. രാത്രി 11  മണിയോടെയായിരുന്നു മരണം സംഭവിച്ചത്.

ലളിത് ബർമൻ, ലീല എന്നിവരാണ് അജിത്തിന്റെ മാതാപിതാക്കൾ. മൃതദേഹം പോസ്റ്റ്‌മോർട്ടം നടപടികൾക്ക് ശേഷം ജന്മനാടായ പശ്ചിമ ബംഗാളിലേക്ക് കൊണ്ടുപോയി.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Migrant worker jumps to death from building in Mayyil, Kannur.

#MayyilNews #KannurNews #MigrantWorker #KeralaNews #MalayalamNews #AccidentNews #WestBengal #KeralaPolice #Kvartha #AnjanaNews