മീൻകുന്ന് കടപ്പുറത്ത് ഒഴുക്കിൽപ്പെട്ട പ്രിനേഷിന്റെ മൃതദേഹം കണ്ടെത്തി; ഗണേശനായി തിരച്ചിൽ തുടരുന്നു

കണ്ണൂർ: (KVARTHA) അഴീക്കോട് മീൻകുന്ന് കള്ളക്കടപ്പുറത്ത് കഴിഞ്ഞ ദിവസം ഒഴുക്കിൽപ്പെട്ട രണ്ട് യുവാക്കളിൽ ഒരാളുടെ മൃതദേഹം കണ്ടെത്തി. വലിയന്നൂർ സ്വദേശി വി. പ്രിനേഷിന്റെ മൃതദേഹമാണ് ചൊവ്വാഴ്ച കണ്ടെത്തിയത്. തിങ്കളാഴ്ച വൈകുന്നേരം വസ്ത്രങ്ങൾ ബീച്ചിൽ അഴിച്ചുവെച്ച് കടലിൽ കുളിക്കാൻ ഇറങ്ങിയതായിരുന്നു ഇരുവരും.

പ്രിനേഷിനൊപ്പമുണ്ടായിരുന്ന കൊടോളി സ്വദേശി പി.കെ. ഗണേശൻ നമ്പ്യാർക്കായി കോസ്റ്റ് ഗാർഡ് തിരച്ചിൽ ഊർജ്ജിതമാക്കിയിട്ടുണ്ട്. തീരദേശ പോലീസും രക്ഷാപ്രവർത്തനത്തിൽ പങ്കുചേരുന്നുണ്ട്. രക്ഷാപ്രവർത്തനങ്ങൾക്ക് നേതൃത്വം നൽകുന്ന കെ.വി. സുമേഷ് എം.എൽ.എ. സംഭവസ്ഥലം സന്ദർശിച്ചു.

അപകടവിവരം അറിഞ്ഞതിനെ തുടർന്ന് വലിയ ജനക്കൂട്ടം തീരത്ത് തടിച്ചുകൂടിയിട്ടുണ്ട്. കാണാതായ ഗണേശൻ നമ്പ്യാർക്കായുള്ള തിരച്ചിൽ ഇപ്പോഴും പുരോഗമിക്കുകയാണ്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: The body of V. Prinesh, who drowned at Meenkunnu Kallakkadappuram beach in Kannur, has been recovered. Search operations are ongoing for his companion, P.K. Ganeshan Nambiar.

#Kannur #Drowning #MeenkunnuBeach #KeralaNews #Tragedy #SearchAndRescue