കണ്ണൂർ: (KVARTHA) മട്ടന്നൂരിൽ കാറും ബൈക്കും കൂട്ടിയിടിച്ച് യുവാവ് മരിച്ചു. അപകടത്തിൽ മരിച്ചത് ശിവപുരം സ്വദേശിയായ അശ്വന്ത് (20) ആണ്. ശനിയാഴ്ച രാത്രി നിടുവോട്ടും കുന്നിൽ വെച്ചായിരുന്നു അപകടം.

തലശ്ശേരി ഭാഗത്തേക്ക് പോവുകയായിരുന്ന കാറിനെ അശ്വന്ത് സഞ്ചരിച്ച ബൈക്ക് ഇടിക്കുകയായിരുന്നു. ഇടിയുടെ ആഘാതത്തിൽ അശ്വന്ത് അടുത്തുള്ള ഓവുചാലിലേക്ക് തെറിച്ചുവീണു.

ഗുരുതരമായി പരിക്കേറ്റ അശ്വന്തിനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഞായറാഴ്ച പുലർച്ചെ രണ്ട് മണിയോടെ മരണം സംഭവിച്ചു. ശിവപുരം കരക്കറയിലെ ഐശ്വര്യ നിവാസിൽ മുകുന്ദൻ്റെയും ശൈലജയുടെയും മകനാണ് അശ്വന്ത്. ഐശ്വര്യയാണ് സഹോദരി.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: A 20-year-old youth, Ashwanth, from Shivapuram, died in a car-bike collision in Mattannur, Kannur. The accident occurred on Saturday night at Niduvottum Kunnu. Ashwanth, who was critically injured after his bike collided with a car heading towards Thalassery, succumbed to his injuries at a private hospital in Kannur early Sunday morning.

#MattannurAccident, #BikeAccident, #RoadAccident, #KannurNews, #TragicDeath, #RIPAshwanth