കണ്ണൂർ: (KVARTHA) ജില്ലയിൽ ഞായറാഴ്ച രാത്രിയിലുണ്ടായ വാഹനാപകടത്തിൽ വിമുക്തഭടൻ ദാരുണമായി മരിച്ചു. മട്ടന്നൂർ കൊടോളിപ്പറമ്പിൽ വെച്ച് നിയന്ത്രണം വിട്ട ബൈക്ക് റോഡരികിലെ കോൺക്രീറ്റ് വാൾവിൽ ഇടിച്ചു വയലിലേക്ക് മറിഞ്ഞാണ് അപകടമുണ്ടായത്. 

ഈ അപകടത്തിൽ തെരൂർ സ്വദേശിയായ എം.കെ. ദിവാകരൻ (54) ആണ് മരിച്ചത്. അദ്ദേഹത്തോടൊപ്പം യാത്ര ചെയ്യുകയായിരുന്ന ഭാര്യ വിജിന (42), മകൻ അഹാൽ എന്നിവർക്ക് പരിക്കേറ്റു. ഇവരെ ഉടൻതന്നെ കണ്ണൂരിലെ ഒരു സ്വകാര്യ ആശുപത്രിയിൽ പ്രവേശിപ്പിച്ചു.

കൊടോളിപ്രം പൈപ്പ് ലൈൻ റോഡിൽ രാത്രി 7.45 ഓടെയായിരുന്നു അപകടം. ഗുരുതരമായി പരിക്കേറ്റ ദിവാകരനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. വിമുക്തഭടനായ ദിവാകരന്റെ മൃതദേഹം പോസ്റ്റ്‌മോർട്ടത്തിന് ശേഷം തിങ്കളാഴ്ച വീട്ടിലെത്തിച്ച് വൈകുന്നേരത്തോടെ സംസ്കരിക്കും.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: A retired soldier died in a bike accident in Mattannur, Kannur, on Sunday night. The bike he was riding with his wife and son lost control and crashed into a concrete wall. His wife and son sustained injuries and are hospitalized. The deceased was identified as M.K. Divakaran (54) from Theroor.

#MattannurAccident, #RoadAccident, #ExServicemanDies, #KannurNews, #BikeAccident, #TragicLoss