നായാട്ടിന് പോയ യുവാവ് വനത്തിനുള്ളില്‍ വെടിയേറ്റ് മരിച്ചു; 4 സുഹൃത്തുക്കള്‍ അറസ്റ്റില്‍

കുന്താപൂര്‍: നായാട്ടിന് പോയ യുവാവിനെ വനത്തിനുള്ളില്‍ വെടിയേറ്റ് മരിച്ച നിലയില്‍ കണ്ടെത്തി. ഹടിമന്നെയിലെ ഷീനാ ആചാരിയുടെ മകന്‍ പ്രഭാകര്‍ ആചാരി (28) ആണ് മരിച്ചത്. സംഭവവുമായി ബന്ധപ്പെട്ട് കുടെയുണ്ടായിരുന്ന നാല് സുഹൃത്തുക്കളെ പോലീസ് അറസ്റ്റ് ചെയ്തു. നാഗരാജ് പൂജാരി, സന്ദര്‍ പൂജാരി, സന്തോഷ് പൂജാരി, രാജു പൂജാരി എന്നിവരാണ് അറസ്റ്റിലായത്.

Prabhakar Achari

ശനിയാഴ്ചയാണ് പ്രഭാകര്‍ ആചാരിയും സുഹൃത്തുക്കളും കൈകണയിലെ കാട്ടിലേക്ക് നായാട്ടിന് പോയത്. ഞായറാഴ്ചയായിട്ടും പ്രഭാകര്‍ വീട്ടില്‍ തിരിച്ചെത്താത്തതിനെ തുടര്‍ന്ന് ബന്ധുക്കളും നാട്ടുകാരും നടത്തിയ തിരച്ചിലിലാണ് വനത്തിനുള്ളില്‍ മരിച്ച നിലയില്‍ കണ്ടെത്തിയത്.

സംഭവത്തിന് ശേഷം നാഗരാജും, സന്ദറും പോലീസ് സ്‌റ്റേഷനില്‍ ഹാജരായി. മറ്റുരണ്ടുപേരെയും പോലീസ് പിടികൂടുകയായിരുന്നു. അറസ്റ്റിലായ പ്രതികളെ പോലീസ് വിശദമായി ചോദ്യം ചെയ്തുവരികയാണ്.

കൊലപാതകമാണോ, നായാട്ടിനിടെ അബദ്ധത്തില്‍ വെടിയേറ്റതാണോ എന്ന് പോലീസ് അന്വേഷിച്ചുവരികയാണ്. മൃതദേഹം പോസ്റ്റ്‌മോര്‍ട്ടത്തിനായി മണിപ്പാല്‍ ആശുപത്രിയിലേക്ക് മാറ്റി. കൊല്ലൂര്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.
Keywords : Mangalore, Youth, Killed, Gun Battle, National, Obituary, Prabhakar Achari, Arrest, Friends, identified, Nagaraj Poojary, Sunder Poojary, Santosh Poojary and Raju Poojary, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.