മുംബൈയിൽ ലിഫ്റ്റ് തകർന്ന് വീണ് അപകടം; യുവാവ് ചികിത്സയിലിരിക്കെ മരിച്ചു

കണ്ണൂർ: (KVARTHA) മുംബൈയിൽ ലിഫ്റ്റ് തകർന്ന് വീണ് പരിക്കേറ്റ് ചികിത്സയിലായിരുന്ന മലയാളി യുവാവ് മരിച്ചു. പാനൂർ ചെണ്ടയാട് വരപ്ര സ്വദേശിയും മുംബൈയിൽ ബിസിനസുകാരനുമായ എരഞ്ഞിക്കൽ മഹ്‌മൂദിൻ്റെ മകൻ എരഞ്ഞിക്കൽ മഫ്‌ലാദ് (33) ആണ് മരിച്ചത്. ഗുരുതരമായി പരിക്കേറ്റ് മുംബൈയിലെ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം സംഭവിച്ചത്.

അപകടം നടന്നത് ഇങ്ങനെ

രണ്ട് ദിവസം മുൻപാണ് മഫ്‌ലാദ് ഉൾപ്പെട്ട സംഘം അപകടത്തിൽപ്പെട്ടത്. ഇവർ താമസിക്കുന്ന കെട്ടിടത്തിലെ ലിഫ്റ്റ് തകർന്ന് വീഴുകയായിരുന്നു. അപകടത്തിൽ മഫ്‌ലാദിന് ഗുരുതരമായി പരിക്കേറ്റിരുന്നു. തുടർന്ന് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

അപകടത്തിൽ മഫ്‌ലാദിൻ്റെ സഹോദരനായ ഇർഷാദിനും കൂടെയുണ്ടായിരുന്ന സുഹൃത്തിനും ഒപ്പം ജോലിചെയ്യുന്ന മറ്റൊരാൾക്കും പരിക്കേറ്റിട്ടുണ്ട്. ഇവർ നിലവിൽ മുംബൈയിലെ ആശുപത്രിയിൽ ചികിത്സയിൽ കഴിയുകയാണ്. മഫ്‌ലാദിൻ്റെ മൃതദേഹം നടപടിക്രമങ്ങൾ പൂർത്തിയാക്കിയ ശേഷം നാട്ടിലെത്തിക്കും. തുടർന്ന് ചെണ്ടയാട് കല്ലറക്കൽ ജുമാ മസ്ജിദ് ഖബർസ്ഥാനിൽ ഖബറക്കം നടക്കുമെന്ന് ബന്ധുക്കൾ അറിയിച്ചു.

പുതിയ വാർത്തകൾ അറിയാൻ ഞങ്ങളുടെ പേജ് ഫോളോ ചെയ്യുക.

Article Summary: Eranjikkal Mafladh (33), a native of Panoor, died while undergoing treatment in a Mumbai hospital after the elevator at his residence collapsed two days ago.

#MumbaiAccident #PanoorNative #ElevatorCollapse #MalayaliDeath #MumbaiNews #MalayalamNews #AmmuNews