വടകര സ്വദേശിയായ യുവാവ് മാഹിയിൽ സ്കൂട്ടർ അപകടത്തിൽ മരിച്ചു

മാഹി: (KVARTHA) മാഹിയിൽ സ്കൂട്ടർ അപകടത്തിൽ വടകര വില്യാപ്പള്ളി കല്ലേരി സ്വദേശിയായ യുവാവ് മരിച്ചു. വലിയ മലയിൽ ശ്രീഷിനാണ് (23) മരിച്ചത്. ചൊവ്വാഴ്ച രാത്രി മാഹി പാറക്കൽ ശ്രീകുറുമ്പ ക്ഷേത്രത്തിന് സമീപം വെച്ചായിരുന്നു അപകടം.

കാൽനടയാത്രക്കാരനെ ഇടിച്ചതിനെത്തുടർന്ന് നിയന്ത്രണം വിട്ട് മറിഞ്ഞ സ്കൂട്ടർ അപകടത്തിലാണ് ശ്രീഷിന് ജീവൻ നഷ്ടപ്പെട്ടത്. സ്കൂട്ടറിൽ ശ്രീഷിനോടൊപ്പം യാത്ര ചെയ്തിരുന്നയാൾക്കും ഗുരുതരമായി പരിക്കേറ്റു.

അപകടം നടന്ന ഉടൻതന്നെ ഇരുവരെയും മാഹി സർക്കാർ ആശുപത്രിയിൽ എത്തിച്ചു. പിന്നീട്, കൂടുതൽ ചികിത്സയ്ക്കായി കണ്ണൂരിലെ സ്വകാര്യ ആശുപത്രിയിലേക്ക് മാറ്റിയെങ്കിലും ശ്രീഷിന്റെ ജീവൻ രക്ഷിക്കാനായില്ല.

ഡി.വൈ.എഫ്.ഐ. കല്ലേരി വെസ്റ്റ് യൂണിറ്റ് കമ്മിറ്റി അംഗവും പെർഫോമിങ് ആർട്ടിസ്റ്റുമാണ് ശ്രീഷിൻ. ചന്ദ്രനാണ് അച്ഛൻ. ഉഷ അമ്മയും സീതുകിരൺ സഹോദരനുമാണ്.

മാഹിയിലെ അപകടവാർത്തയെക്കുറിച്ച് നിങ്ങളുടെ അഭിപ്രായം പങ്കുവെയ്ക്കൂ, നിങ്ങളുടെ സുഹൃത്തുക്കൾക്കും ഇത് ഷെയർ ചെയ്യൂ.

Article Summary: A 23-year-old from Vadakara died in a scooter accident in Mahe.

#MaheAccident #Vadakara #RoadSafety #KeralaNews #AccidentDeath #Mahe