Nitin Desai | പ്രശസ്ത കലാസംവിധായകന് നിതിന് ചന്ദ്രകാന്ത് ദേശായിയെ സ്വന്തം സ്റ്റുഡിയോയില് മരിച്ച നിലയില് കണ്ടെത്തി
Aug 2, 2023, 12:28 IST
ADVERTISEMENT
മുംബൈ: (www.kvartha.com) പ്രശസ്ത ബോളിവുഡ് കലാസംവിധായകന് നിതിന് ചന്ദ്രകാന്ത് ദേശായിയെ മരിച്ച നിലയില് കണ്ടെത്തി. 58 വയസായിരുന്നു. റെയ്ഗാഡ് ജില്ലയിലെ സ്വന്തം സ്റ്റുഡിയോയില് തൂങ്ങിമരിച്ച നിലയിലാണ് നിതിന് ചന്ദ്രകാന്ത് ദേശായിയെ കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം. കൂടുതല് വിവരങ്ങള് പുറത്തുവന്നിട്ടില്ല.
നിരവധി ഹിന്ദി, മറാഠി ചിത്രങ്ങളില് പ്രവര്ത്തിച്ചിട്ടുണ്ട്. തമാസ് (1987) എന്ന ടെലിവിഷന് ചിത്രത്തിന്റെ അസിസ്റ്റന്ഡ് കലാസംവിധായകനായാണ് തന്റെ കരിയര് നിതിന് ചന്ദ്രകാന്ത് തുടങ്ങുന്നത്. ഹം ദില് ദേ ചുകേ സനം (1999) എന്ന ചിത്രത്തിന്റെ കലാസംവിധാനത്തിലൂടെ ബോളിവുഡില് അരങ്ങേറി. ലഗാന്, ദേവദാസ്, സ്വദേശ്, ജോധാ അക്ബര്, പ്രേം രതന് ധാന് പയോ എന്നിവയാണു ശ്രദ്ധനേടിയ ബോളിവുഡ് ചിത്രങ്ങള്.
മികച്ച കലാസംവിധാനത്തിന് നാല് ദേശീയ ചലച്ചിത്ര അവാര്ഡുകളും മൂന്നു ഫിലിംഫെയര് അവാര്ഡുകളും ലഭിച്ചിട്ടുണ്ട്. 2016ല് പത്മശ്രീ നല്കി രാജ്യം ആദരിച്ചു. 1965 ജനുവരി 25 ന് മഹാരാഷ്ട്രയിലെ ദാപോലിലാണ് ജനനം.
Keywords: News, National, National-News, Obituary, Obituary-News, Maharashtra, Bollywood, Art Director, Nitin Desai, Found Dead, Studio, Maharashtra: Top Bollywood Art Director Nitin Desai Found Dead in Studio.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
