കുടിവെള്ള പൈപ്പ് സ്ഥാപിക്കുന്നതിനിടെ മണ്ണിടിഞ്ഞുവീണ് കീഴ്പ്പള്ളി സ്വദേശി മരിച്ചു; കൂടെയുണ്ടായിരുന്ന ആൾക്ക് പരിക്ക്

മട്ടന്നൂർ: (KVARTHA) നഗരസഭയിലെ കായലൂർ കുംഭം മൂലയിൽ കുടിവെള്ള വിതരണ പദ്ധതിയുടെ പൈപ്പ് സ്ഥാപിക്കുന്നതിനിടെ മണ്ണിടിഞ്ഞുവീണ് ഒരാൾ മരിച്ചു. കീഴ്പ്പള്ളി സ്വദേശി മനീഷാണ് (27) മരിച്ചത്. കൂടെയുണ്ടായിരുന്ന ചെറുപുഴ സ്വദേശി തങ്കച്ചന് പരിക്കേറ്റു. 

ഇയാളെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. വ്യാഴാഴ്ച ഉച്ച കഴിഞ്ഞ് മൂന്നരയോടെയായിരുന്നു സംഭവം. റോഡരികിൽ പൈപ്പ് ജോയിന്റ് ചെയ്യുന്നതിനിടെ സമീപത്തുള്ള സ്വകാര്യ വ്യക്തിയുടെ വീട്ടുമതിലും മണ്ണിനൊപ്പം ഇടിഞ്ഞുവീഴുകയായിരുന്നു. 

മണ്ണിനടിയിൽപ്പെട്ടവരെ നാട്ടുകാരും അഗ്നിരക്ഷാ സേനയും ചേർന്നാണ് പുറത്തെടുത്ത് ആശുപത്രിയിലെത്തിച്ചത്. മനീഷിന്റെ മൃതദേഹം മട്ടന്നൂർ പോലീസ് ഇൻക്വസ്റ്റ് നടത്തി ആശുപത്രി മോർച്ചറിയിലേക്ക് മാറ്റി.

മട്ടന്നൂരിലെ ദാരുണമായ ഈ അപകടത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കൂ. ഈ വാർത്ത മറ്റുള്ളവരിലേക്കും എത്തിക്കൂ.

Article Summary: Laborer dies in a trench collapse in Mattannur, Kerala

#Mattannur #Kannur #KeralaNews #Accident #EarthCollapse #WorkerSafety